စစ်ကောင်စီအတွက်ရိက္ခာများ ကုန်တင်ရေယာဥ်သုံးစင်းဖြင့် ချင်းတွင်းမြစ်ကြောင်းအတိုင်း သယ်ဆောင်လာစဥ် ပြည်သူ့ကာကွယ်ရေးမဟာမိတ်ဖွဲ့က တားဆီးစစ်ဆေးပြီး ရိက္ခာအများအပြားကို သိမ်းဆည်းနိုင်ခဲ့သည်။
မုံရွာမှခန္တီးမြို့သို့ ထွက်ခွာလာသော ကုန်တင်ရေယာဥ်သုံးစင်းကို နဂါးညီနောင်အထူးတပ်ဖွဲ့ DBTF နှင့် မဟာမိတ်အဖွဲ့က ယနေ့(မေလ ၆ရက်)တွင် တားဆီးစစ်ဆေးပြီး စစ်ကောင်စီ၏ ရိက္ခာများကို သိမ်းဆည်းလိုက်ခြင်းဖြစ်သည်။
![](https://i0.wp.com/www.ludunwayoo.com/wp-content/uploads/2022/05/279818255_375659167956875_4161814111501578021_n.png?resize=880%2C660&ssl=1)
ချင်းတွင်းမြစ်ရိုးတစ်လျှောက် နယ်မြေရှင်းလင်းရေးလုပ်ဆောင်နေစဥ်အတွင်း ယင်းကဲ့သို့ စစ်ဆေးသိမ်းဆည်းနိုင်ခြင်းဖြစ်ပြီး “ကုန်တင်အမြန်ယာဥ် သုံးစင်းမှာ မအလရဲ့လက်ပါးစေများ တပ်စွဲထားသောကနီမြို့သို့ ရိက္ခာများသွားရောက်ထောက်ပံ့တယ်လို့ တပ်တွင်းသတင်းပေးပို့ချက်အရ ကျွန်တော်တို့ DBTFအဖွဲ့နှင့်မဟာမိတ်ညီနောင်အဖွဲ့များ ပူးပေါင်းပီးအချိန်မှီသွားရောက်ဖမ်းဆီးထိမ်းသိမ်းနိုင်ခဲ့ပါတယ်”ဟု DBTFက ထုတ်ပြန်သည်။
![](https://i0.wp.com/www.ludunwayoo.com/wp-content/uploads/2022/05/279482837_375658837956908_526768667307130152_n.png?resize=880%2C660&ssl=1)
![](https://i0.wp.com/www.ludunwayoo.com/wp-content/uploads/2022/05/279841993_375659064623552_3887917517057781221_n.png?resize=880%2C660&ssl=1)
![](https://i0.wp.com/www.ludunwayoo.com/wp-content/uploads/2022/05/279371685_375659274623531_1215580633102581838_n.png?resize=880%2C660&ssl=1)
ဆီပုံးနှင့် ဆန်အိတ်များ၊ စစ်ကောင်စီထုတ်အရက်ပုလင်းများကို ပြည်သူ့ကာကွယ်ရေးမဟာမိတ်ဖွဲ့က သိမ်းဆည်းနိုင်ခဲ့သည်။
တပ်တွင်းသတင်းပေးမှုသည် ပြည်သူ့ကာကွယ်ရေးတပ်ဖွဲ့များအတွက် အလွန်အသုံးဝင်နေပြီး ယနေ့ နံနက်ပိုင်းကလည်း ပုလဲမြို့နယ်တွင် စစ်ကောင်စီနှင့် ပျူစောထီးများလာရောက်မည်ဟု တပ်တွင်း အတိအကျသတင်းပေးမှုဖြင့် ပြည်သူ့ကာကွယ်ရေးအဖွဲ့က မိုင်းခွဲတိုက်ခိုက်နိုင်ခဲ့သည်။
တပ်တွင်းပေးသည့်သတင်းကြောင့် စစ်ကောင်စီနှင့် ပျူစောထီးပူးပေါင်းအဖွဲ့မှ နှစ်ဦးကို သုတ်သင်ရှင်းလင်းနိုင်ခဲ့ကြောင်း ကျားသစ်နက်ပြောက်ကျားတပ်ဖွဲ့က ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)