ရှေ့ကာလများတွင် ပြောက်ကျားစစ်၊ ထိုးစစ်များကို ပိုမိုဆောင်ရွက်မည်ဟု PPDF ဥက္ကဌ ကတိပြု
မကွေးတိုင်းဒေသကြီး၊ ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ (Pakokku People Defense Force – PPDF)သည် ယနေ့ (မေလ ၁၂) တွင် ဖွဲ့စည်းတည်ထောင်ခြင်း တစ်နှစ်ပြည့်အဖြစ် စစ်ရေးပြ အခမ်းအနားကို ပြုလုပ်ခဲ့သည်။
![](https://i0.wp.com/www.ludunwayoo.com/wp-content/uploads/2022/05/280083662_379884130867712_805593863105480262_n.png?resize=880%2C660&ssl=1)
တစ်နှစ်အတွင်း ထိုက်သင့်သည့် အင်အားတစ်ခုရောက်အောင် စုစည်းတည်ထောင်နိုင်သည့်အတွက် ရဲဘော်များ၊ ပြည်သူများအား ကျေးဇူးတင်ကြောင်း၊ ရှေ့လာမည့် ကာလများတွင် ရန်သူကို နှောင့်ယှက်ဟန့်တား ဖျက်ဆီးနိုင်မည့် ပျောက်ကျားစစ်၊ ထိုးစစ်များကို ပိုမို ဆောင်ရွက်သွားမည် ဖြစ်ကြောင်း PPDF ဥက္ကဌက တစ်နှစ်ပြည့် အမှာစကား ပြောကြားခဲ့သည်။
![](https://i0.wp.com/www.ludunwayoo.com/wp-content/uploads/2022/05/279894416_379883890867736_2558108536857081956_n.png?resize=880%2C495&ssl=1)
![](https://i0.wp.com/www.ludunwayoo.com/wp-content/uploads/2022/05/279990422_379884214201037_1788427680586481045_n.jpg?resize=880%2C660&ssl=1)
” ငါတို့ရဲ့ရန်သူကို တော်လှန်တိုက်ခိုက်ရာမှာလည်း ရည်ရွယ်ချက်တူ၊ လမ်းစဉ်တူတဲ့ မည်သည့်ဒေသတွင်းအဖွဲ့အစည်း၊ မည်သည့် တော်လှန်ရေးတပ်ဖွဲ့များနဲ့မဆို အစဉ်လက်တွဲ တိုက်ပွဲ၀င်သွားမှာဖြစ်တယ်။ အဲ့ဒီလိုတိုက်ပွဲ၀င်တဲ့နေရာမှာလည်း နိုင်ငံတကာစစ်ဥပဒေ၊ စစ်စည်းကမ်းတွေ၊ လူ့ကျင့်၀တ်စံနှုန်းတွေနဲ့အညီဆောင်ရွက်ရမှာဖြစ်ပြီး စည်းကမ်း သေ၀တ်တဲ့ ဒေသကာကွယ်ရေးတပ် တစ်ခုဖြစ်အောင် အားလုံးစုစုစည်းစည်း တိုက်ပွဲ၀င်သွားကြမှာ ဖြစ်ပါတယ်။ ရှေ့လာမယ့်ကာလတွေမှာ ရန်သူကို ပိုမိုနှောင့်ယှက်ဟန့်တား ဖျက်ဆီးနိုင်မယ့် ပျောက်ကျားစစ်၊ ထိုးစစ်တွေကို ဆောင်ရွက်သွားမယ်လို ငါ့အနေနဲ့ ကတိပြုလိုပါတယ် ” PPDF ဥက္ကဌက ဆိုသည်။
![](https://i0.wp.com/www.ludunwayoo.com/wp-content/uploads/2022/05/280108665_379883980867727_6613545013429617058_n.png?resize=880%2C495&ssl=1)
ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ တစ်နှစ်ပြည့် ဖွဲ့စည်းတည်ထောင်နိုင်ခြင်း အပေါ်မြိုင်မြို့နယ်၊ ဆိပ်ဖြူမြောက်ပိုင်း၊ မြစ်ခြေ-ကျွန်းချောင်းမြို့နယ် အစရှိသည့် ပြည်သူ့ကာကွယ်ရေးအဖွဲ့များက ဂုဏ်ပြုသဝဏ်လွှာများ ပေးပို့ခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)