စစ်ကောင်စီလက်ထက်မှာပြုလုပ်တဲ့ ကျောက်မျက်ရတနာပြပွဲတွေမှာ ဝယ်ယူခဲ့သူတွေကို ခိုးရာပါ ပစ္စည်း လက်ခံမှုနဲ့အမှုဖွင့်အရေးယူသွားဖို့ရှိတယ်လို့ NUG ရဲ့ သယံဇာတနဲ့သဘာဝပတ်ဝန်းကျင်ထိန်းသိမ်းရေးဝန်ကြီးဌာနက ဒီနေ့ရက်စွဲနဲ့ အသိပေးကြေညာချက်ထုတ်ပြန်ပါတယ်။
အဲဒီကြေညာအရ စစ်ကောင်စီ ရဲ့ကျောက်မျက်ပြပွဲတွေမှာ ဝယ်ယူခဲ့သူတွေကို ဝယ်ယူချိန်က ပေးချေခဲ့တဲ့ တန်းဖိုး ၂ ဆကို နိုင်ငံတော်ထံ ပြန်လည်ပေးလျော်ရမှာဖြစ်တဲ့အပြင် ခိုးရာပါပစ္စည်းလက်ခံမှုနဲ့အမှုဖွင့်မယ်လို့ ဖော်ပြထားပါတယ်။
ဒါအပြင် နိုင်ငံပိုင်ကျောက်မျက်ရတနာ၊ လက်ဝတ်ရတနာ ၊ ပုလဲအတွဲတွေကို ရောင်းချရာမှာ အဓိက တာဝန်ရှိတဲ့ စစ်ကောင်စီလက်အောက်ခံဝန်ထမ်းတွေကို နိုင်ငံတော်ပိုင်ပစ္စည်းအလွဲသုံးမှုနဲ့အရေးယူမယ်လိုNUG က သတိပေးထားပါတယ်။
ရတနာပြပွဲတွေမှာ ပါဝင်တဲ့ပုဂ္ဂလိက ကုမ္ပဏီတွေ ၊အရောင်းဆိုင်တွေကိုလည်း မှတ်တမ်းတင်ထားပြီး အမည်ပျက်စာရင်းသွင်းတာ ၊လုပ်ငန်း လုပ်ကိုင်ခွင့်ပိတ်သိမ်းတာတွေ လုပ်မယ်လို့ လည်းသိရပါတယ်။
စစ်ကောင်စီဟာပြီးခဲ့တဲ့နှစ် ဒီဇင်ဘာလအတွင်းနဲ့ ဒီနှစ်ဧပြီအတွင်းနေပြည်တော်မှာ ကျောက်မျက်ပြပွဲကျင်းပခဲ့တာရှိပါတယ်။
