စစ်ကိုင်းတိုင်း မြောင်မြို့နယ် ရွှေပန်းကျေးရွာသို့ စစ်ကြောင်းထိုးလာသော စစ်ကောင်စီတပ်နှင့် လမ်းပြအဖြစ်လိုက်ပါလာသည့် ပျူစောထီးနှစ်ဦးကို ပစ်ခတ်ရှင်းလင်းခဲ့ကြောင်း မြောင်မြို့နယ်တော်လှန်ရေးတပ် (MRA)က ယနေ့(ဇွန် ၂၉) ထုတ်ပြန်သည်။
ရွှေပန်းရွာအတွင်း အော်ဟစ်ဆဲဆိုပြီး လမ်းလျှောက်လာသော ပျူစောထီးနှစ်ဦးကို စစ်ကောင်စီတပ်နှင့် လူစုကွဲချိန်အား အခွင့်ကောင်းယူ ခြုံခို၍ ကင်းပုန်းဝပ်နေသော တော်လှန် ရေးရဲဘော်များမှ အနီးကပ်ပစ်ခတ်ရှင်းလင်းခဲ့ကြောင်း ဖော်ပြသည်။
![Public Service Announcement](https://i0.wp.com/www.ludunwayoo.com/wp-content/uploads/2022/02/PSA_Inside-Story_How-to-Survive-a-Grenade-Explosion-01.jpg?resize=880%2C212&ssl=1)
ထို့ကြောင့် အကြမ်းဖက်စစ်ကောင်စီတပ်ဘက်မှ လက်နက်ကြီး၊ လက်နက်ငယ်များဖြင့် လိုက်လံပစ်ခတ်ခဲ့သော်လည်း တော်လှန်ရေးရဲဘော်များ အထိအခိုက်မရှိခဲ့ဟု ဆိုသည်။
MRA အနေဖြင့် ပြောက်ကျားစစ်ဆင်ရေးများကို အရှိန်အဟုန်မြှင့်လုပ်ဆောင်လျှက်ရှိရာ ပြည်သူများအထိ အခိုက်မရှိစေရန် အထူးဂရုပြုဆောင်ရွက်လျှက်ရှိပြီး ပြည်သူများအနေဖြင့်လည်း စစ်ကောင်စီတပ်လမ်း ကြောင်းများကိုရှောင်ရှား၍ သတိထားသွားလာကြရန် တိုက်တွန်းသည်။
အထက်ပါတိုက်ခိုက်မှုကို မြောင်မြို့နယ်တော်လှန်ရေးတပ်(MRA)နှင့် CHU Local Defense Forceအဖွဲ့တို့ ပူးပေါင်းတိုက် ခိုက်ခဲ့ခြင်းဖြစ်ကြောင်း အသိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)