️▪️စစ်ဆင်ရေးတွင်ရခဲ့သော ဒဏ်ရာဖြင့် UGရဲဘော်တစ်ဦးကျဆုံး
ရန်ကုန်အခြေစိုက် UGအဖွဲ့နှစ်ဖွဲ့ဖြစ်သော Yangon Northokkalapa Revolution (ygnoprv)နှင့် Yangon People’s Defence Force(Bahan)တို့မှ အရေးပေါ်နေရာပြောင်းရွှေ့ရန် အကူအညီလိုအပ်နေကြောင်း ယနေ့(ဇွန် ၂၉) အသိပေးချက်ထုတ်ပြန်သည်။
ပြောင်းရွှေ့ရန်လိုအပ်လာခြင်းမှာ မင်္ဂလာဒုံမြို့ နယ်မှ အရပ်ဝတ်ဖြင့်အသွင်ယူထားသော စစ်ကောင်စီလက်အောက်ခံ ရဲဒလန် မင်းသူဆိုသူအား ရှင်းလင်းရေးလုပ်စဥ် ဒဏ်ရာရရှိခဲ့သော တော်လှန်ရေးရဲဘော်တစ်ဦး ကျဆုံးသွား၍ဖြစ်ကြောင်း အသိပေးသည်။
မဂ်လာဒုံမြို့နယ် ဇေကမ္ဘာအိမ်ရာဝင်းအနောက်ဘက်ရပ်ကွက်တွင်နေသူ ရဲဒလန်မင်းသူအား YGNOPRV နှင့် PDF Bahanတို့မှ ဇွန် ၂၇ ရက်တွင်သွားရောက်ရှင်းလင်းခဲ့ရာ မင်းသူ၏လူနှစ် နှစ်ဦးရောက်လာပြီး တစ်ဦးကဓားဖြင့်ပြန်ခုခံသဖြင့် ရဲဘော်တစ်ဦးဒဏ်ရာရခဲ့ခြင်း ဖြစ် သည်။
“မင်းသူကို တိုက်ခိုက်နေတဲ့အချိန် အနောက်က သူ့လူနှစ်ယောက်ရောက်ချလာပြီး အဲ့လူနှစ်ယောက်ထဲကတစ်ယောက်က ဓားနဲ့လက်ဦးမှုရသွားလို့ဒဏ်ရာရလာတာပါ။ အဲ့အချိန်မင်းသူလဲအသက်မရှိတော့ပါဘူး”ဟု PDF Bahan မှ တော်လှန်ရေးရဲဘော်တစ်ဦးက လူထုနွေဦးသို့ ပြောသည်။
တိုက်ခိုက်ရေး Mission ပြီးသွားသည့်နောက်ဒဏ်ရာရရဲဘော်အပါအဝင် တော်လှန်ရေးရဲဘော်အားလုံး ယာယီခိုလှုံသည့်နေရာသို့ အရောက်ပြန်နိုင်ခဲ့သော်လည်း ဒဏ်ရာရရဲဘော်အား အချိန်မီဆေးကုသနိုင်ခြင်းမရှိသည့်အတွက် ထိုရဲဘော်မှာ ဓားဒဏ်ရာဖြင့် ယနေ့ကျဆုံးခဲ့ရကြောင်း အထက်ပါရဲဘော်က ဆက်ပြောသည်။
ထို့ကြောင့် UG အဖွဲ့များဖြစ်သော YGNOPRV နှင့် PDF Bahan တို့မှာ လက်ရှိခိုလှုံနေရာ၌ ဆက်နေရန် အဆင်မပြေတော့ဘဲ အခြားနေရာတစ်ခုသို့ ပြောင်းရွှေ့ရန် ပြောင်းရွှေ့စရိတ် အရေးပေါ်လိုအပ်နေကြောင်း ၎င်းတို့က အသိပေးသည်။
“ကျွန်တော်တို့ရဲ့လုပ်ဆောင်ချက်တွေအများကြီးမြင်တွေ့ရအုံးမှာပါ အရေးပေါ်ရွှေ့ပြောင်းမှုအောင်မြင်ခဲ့ရင်ပေါ့” ဟု PDF Bahan မှ ရဲဘော်တစ်ဦးက ဆိုသည်။
ရန်ကုန် UG အဖွဲ့နှစ်ဖွဲ့ သွားရောက်သုတ်သင်ရှင်းလင်းခဲ့သော ဒလန်မင်းသူမှာ သုတ်သင်ရှင်းလင်းပြီးနောက်မှသာ အရပ်ဝတ်ဖြင့် အသွင်ယူထားသည့် စစ်ကောင်စီလက်အောင်ခံ ရဲတစ်ဦးဖြစ်နေကြောင်းကို သိခဲ့ခြင်းဖြစ်သည်။
