စစ်ကိုင်းတိုင်း၊ ယင်းမာပင်မြို့နယ်၊ ဘန့်ဘွေးရွာတွင်တပ်စွဲထားသောစစ်ကောင်စီတပ်နှင့်ပျူစောထီးများအား မဟာမိတ်အဖွဲ့ပူးပေါင်းတိုက်ခိုက်ရာ စစ်သားတစ်ဦး စနိုက်ပါလက်ချက်ကြောင့်သေဆုံးသွားကြောင်းအမိမြေတော်လှန်ရေးတပ်ဖွဲ့က သတင်းထုတ်ပြန်သည်။
ယနေ့(ဇွန်လ၂၉ရက်နေ့)တွင် ယင်းမာပင်မြို့နယ်ရှိ ပျူစောထီးကြီးစိုးရာဘန့်ဘွေးရွာတွင် တပ်စွဲထားသော အကြမ်းဖက်စစ်ကောင်စီတပ်နှင့် ပျူများကို Sniper နှင့် ပစ်ခတ်တိုက်ခိုက်ခဲ့ပြီး လက်လုပ် ၄ဝမမ၊ ၆၀ မမ လက်နက်ကြီးများဖြင့် ပြောက်ကျားတိုက်ခိုက်ခဲ့ကြောင်း အမိမြေတော်လှန်ရေးတပ်ဖွဲ့၏ ထုတ်ပြန်ချက်တွင် ဖော်ပြသည်။
အကြမ်းဖက်စစ်သားတစ်ဦး Sniperကျည်ထိမှန်သေဆုံးခဲ့ပြီး ဒဏ်ရာရရှိသော စစ်သားများလည်းရှိသည်ဟုလည်းပါရှိသည်။
“အခြေအနေက sniper ထိမှန်ပြီး ွေးတစ်ကောင်သေတယ်။ အဝေးပစ်တွေကြောင့် အထိအခိုက်ရှိတယ်။ ကျန်တာက ပြောလို့အဆင်မပြေသေးဘူး။”ဟု အမိမြေတော်လှန်ရေးတပ်ဖွဲ့ တာဝန်ရှိသူက ပြောသည်။
အဆိုပါတိုက်ခိုက်မှုအား အမိမြေတော်လှန်ရေးတပ်ဖွဲ့နှင့်အတူ KLG၊ Alpha၊ Triple Two၊ Dragon Brother Task Force၊ Yoma Fighter၊ ဗျတ္တညီနောင်တပ်ဖွဲ့များက ပူးပေါင်းတိုက်ခိုက်ခဲ့ခြင်းဖြစ်သည်။
ဇွန်လ(၁၁)ရက် ညနေပိုင်းကလည်း ဘန့်ဘွေးရွာရှိ အကြမ်းဖက်အုပ်စုကို ဒေသတွင်း မဟာမိတ်အဖွဲ့များက လက်နက်ကြီးများဖြင့် ရာချီပစ်ခတ်တိုက်ခိုက်ခဲ့သေးသည်။
