မတရားသေဒဏ်စီရင်မှုအပေါ် တုန့်ပြန်ခြင်းဟု အသိပေး
ချင်းပြည်နယ် တွန်းဇံမြို့နယ် ရိဒ်ခေါဒါရ်မြို့ရှိ စစ်ကောင်စီတပ်စခန်းကို ၂ရက် ဆက် တိုက်ခိုက် ခဲ့ကြောင်း ဒေသခံချင်းကာကွယ်ရေးတပ်-CDF (ဟွာငိုရမ်)က သတင်းထုတ်ပြန်သည်။
ဇူလိုင် ၂၅ရက်နှင့် ၂၆ရက်တို့တွင် မြို့တွင်း စစ်ဆင်ရေးပုံဖော်မှု ဖြစ်ပြီး ပြည်သူ့ကာကွယ်ရေး တပ်ဖွဲ့မှ စတင်ခဲ့ခြင်းဖြစ်ကြောင်း အသိပေးထာသည်။
ထိုသို့တိုက်ခိုက်ရခြင်းမှာ စစ်ကောင်စီက မတရားသေဒဏ်စီရင်ခဲ့သော နိုင်ငံရေးခေါင်းဆောင်များ အတွက် လက်တုံ့ပြန်သည့်အနေဖြင့် တိုက်ခိုက် ခဲ့ခြင်းဖြစ်ကြောင်း ဖော်ပြထားသည်။
တိုက်ပွဲ ပထမရက်တွင် မိနစ် ၄၀ကြာပစ်ခတ်မှုဖြစ်ခဲ့ပြီး ဒုတိယရက်တွင် ၂၀မိနစ်ခန့် ကြာမြင့်ခဲ့ သည်ဟု ဆိုသည်။
CDF (ဟွာငိုရမ်)အနေဖြင့် လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်ခဲ့ရာ စစ်ကောင်စီတပ်မှ ထိခိုက်သေဆုံး အခြေအနေကို အတိအကျမသိရသော်လည်း ထိရောက်သည့် စစ်ဆင်ရေးကို ပြုလုပ်နိုင်ခဲ့သည်ဟု ထုတ်ပြန်သည်။ တိုက်ပွဲအတွင်း CDF ရဲဘော်များ ထိခိုက်မှုမရှိ ပြန်လည် ဆုတ်ခွာနိုင်ခဲ့ကြောင်း ဖော်ပြထားသည်။
