■”ပြင်ဦးလွင်မှာမွေးပြီး ပြင်ဦးလွင်မှာကြီးတာ။ ခုလိုတစ်ခါမှမမြင်ဖူးဘူး။ တော်တော်ရေတက်တယ်။ တချို့နေရာတွေမှာအုတ်တံတိုင်းတောင်ပြိုကြတယ်” ဒေသခံတစ်ဦး
ပြင်ဦးလွင်မြို့တွင် ၆နာရီခန့်ကြာ မိုးသည်းထန်စွာရွာပြီးနောက် မြို့နေရာအများစုတွင် မကြုံစဖူးရေကြီးနစ်မြုပ်မှု ဖြစ်ပေါ်နေသည်။
မန္တလေးတိုင်းပြင်ဦးလွင်မြို့တွင် ယနေ့(ဇူလိုင် ၃၁ရက်) နံနက် ၂ နာရီခန့်မှ စ၍ နံနက် ၈ နာရီခန့်အထိ မိုးသည်းထန်စွာရွာခဲ့ပြီး ရေကြီးနစ်မြုပ်မှု ဖြစ်ပေါ်နေသည်ဟု ဒေသခံများကပြောသည်။
မြို့ပေါ်ရပ်ကွက်အများစု ရေဝင်နေပြီးပြင်ဦးလွင် အနီးစခန်းပတ်ဝန်းကျင်တွင် တောင်ကျရေ ပြင်းထန်စွာ ဆင်းနေသည်ဟု ဒေသခံများကပြောသည်။
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/296291995_434475315408593_8923774642874437115_n.jpg?resize=720%2C405&ssl=1)
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/295871758_434475368741921_8170156746741584707_n.jpg?resize=720%2C960&ssl=1)
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/296274404_434475402075251_8833853769982522476_n.jpg?resize=720%2C960&ssl=1)
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/295955078_434475345408590_3046353296843393125_n.jpg?resize=720%2C960&ssl=1)
“မိုးတွေမပြတ်ရွာနေလို့ နေရာအနှံ့ ရေကြီးနေတယ်။ အဖွဲ့တွေ မနက်၆နာရီကတည်းကရောက်လို့ကူညီနေတယ်။”ဟု ပြင်ဦးလွင်မြို့ရှိ သန္တိသုခလူမှုကူညီရေးအသင်းက ပြောသည်။
ဓါတ်တော်ချိုင့်တွင်လည်း ရေများမကြံစဖူး ကျဆင်းလာနေပြီး အနီးစခန်းဘူတာအနီးတွင်လည်း ချောင်းရေများလျှံကာ ရေမြုပ်နေကြောင်း ဒေသခံများက ပြောသည်။
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/295812458_434475462075245_4318755957616292425_n.jpg?resize=720%2C959&ssl=1)
“ပြင်ဦးလွင်မှာမွေးပြီး ပြင်ဦးလွင်မှာကြီးတာ။ ခုလိုတစ်ခါမှမမြင်ဖူးဘူး။ တော်တော်ရေတက်တယ်။ တချို့နေရာတွေမှာအုတ်တံတိုင်းတောင်ပြိုကြတယ်ကြားတယ်”ဟုဒေသခံတစ်ဦးက ပြောသည်။
ဒိုးကွင်ဥယျာဥ်ခြံတွင်လည်း ရေတက်လာ၍မိသားစု၁၅ယောက်ပိတ်မိနေပြီး ကယ်ဆယ်ရန်ကြိုးစားနေကြောင်း ဒေသခံများက ပြောသည်။
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/295548474_434475425408582_2632666883771627376_n.jpg?resize=720%2C405&ssl=1)
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/297036728_434475535408571_5121312416685028699_n.jpg?resize=720%2C960&ssl=1)
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/295650226_434475598741898_7367934068334935437_n.jpg?resize=720%2C960&ssl=1)
![ဓါတ်ပုံ-CJ](https://i0.wp.com/www.ludunwayoo.com/wp-content/uploads/2022/07/296461305_434475565408568_1490451980015832218_n.jpg?resize=720%2C333&ssl=1)
စစ်ကောင်စီ၏ မိုးလေဝသနှင့်ဇလဗေဒညွန်ကြားမှုဦးစီးဌာနက ရေဘေးသတိပေးချက် ကြိုတင်ထုတ်ပြန်နိုင်ခြင်းမရှိခဲ့ဘဲ လတ်တလောရာသီဥတုအခြေအနေကို လွဲမှားစွာ ခန့်မှန်းထုတ်ပြန်ထားသည်။ ဇူလိုင် (၃၀)ရက် ညမှ ဇူလိုင်(၃၁)ရက် နေ့လည်အတွင်း မန္တလေးတိုင်းတွင် နေရာကျဲကျဲသာ မိုးရွာနိုင်ကြောင်း မိုးဇလက ထုတ်ပြန်ထားသည်။
အမျိုးသားညီညွတ်ရေးအစိုးရ(NUG)၏ လူသားချင်းစာနာထောက်ထားရေးနှင့် ဘေးအန္တရာယ်စီမံခန့်ခွဲမှုဆိုင်ရာဝန်ကြီးဌာနက ဇူလိုင် ၃၁ရက်အထိ မိုးလေဝသသတိပေးချက်တွင်ရေကြီးရေလျှံမှုဘေးဂရုပြုရန်သတိပေးထားသည်။
မိုးလေဝသဆိုင်ရာ ကွန်ပြူတာမော်ဒယ်တစ်ခုဖြစ်သောECMWF တွင်သြဂုတ်လပထမလပါတ်အတွင်း ဘဂ်လားပင်လယ်အော်၌ လေဖိအားနည်းရပ်ဝန်းဖြစ်လာနိုင်ပြီး မြန်မာနိုင်ငံဒေသအများစု၌ မိုးရွာနိုင်သည်ဟု ခန့်မှန်းထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)