စစ်ကိုင်းတိုင်း ထီးချိုင့်မြို့တွင် စစ်ကောင်စီစစ်ဆေးရေးဂိတ်စောင့် ရဲတစ်ဦး ဓားဖြင့် ထိုးသတ်ခံရမှု ဖြစ်ပွားခဲ့သည်။
ထီးချိုင့်မြို့ မောင်းတံစစ်ဆေးရေးဂိတ်စောင့် ရဲတစ်ဦးကို ယနေ့(ဇူလိုင် ၃၁ရက်) ညနေ အချိန်တွင် ဆိုင်ကယ်စီးလာသူ နှစ်ဦးက ဓားဖြင့် ထိုးသတ်သွားခြင်း ဖြစ်သည်။
” ရဲသေသွားတယ်။ သတ်တဲ့သူတွေက ဘယ်သူတွေလဲတော့ မသိသေးဘူး။ ရဲတွေတော့ လန့်နေကြတယ်”ဟု ဒေသခံတစ်ဦးက ပြောသည်။ သေဆုံးသူမှာ ရဲမှာ နိုင်မင်းထွန်းဆိုသူ ဖြစ်သည်။
![Public Service Announcement](https://i0.wp.com/www.ludunwayoo.com/wp-content/uploads/2022/01/PSA_inside_Story_Jan22-03.jpg?resize=880%2C229&ssl=1)
ထီးချိုင့်မြို့တွင် ဇူလိုင် ၂၈ရက်က စစ်ကောင်စီစစ်ကြောင်း မိုင်းဆွဲတိုက်ခိုက် ခံရပြီး စစ်ကောင်စီတပ်ဖွဲ့ဝင် သုံးဦး သေဆုံးခဲ့သေးသည်။
ထီးချိုင့်မြို့တွင် စစ်ကောင်စီက ဖွဲ့စည်းပေးသည့် ပြည်သူ့လုံခြုံရေးအဖွဲ့၌ ပါဝင်နေသည့် ပျုစောထီး ၂၅ဦး၏ အမည်ကို ပြည်သူ့ကာကွယ်ရေးတပ်၏ သတင်းထုတ်ပြန်ရေးစာမျက်နှာ Tigyaing Revolution -TRက ယနေ့ ထုတ်ပြန်သတိပေးထားသည်။
ပျူစောထီးများသည် စစ်ကောင်စီထောက်တိုင် စစ်စစ်များဖြစ်သည့်အတွက် ပြတ်ပြတ်သားသား ခြေမှုန်းသွားမည်ဟု Tigyaing Revolution -TR က ထုတ်ပြန်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)