တပ်ဖွဲ့အတွက် လက်နက်ခဲယမ်းများဝယ်ယူရာတွင် လှူဒါန်းထားသော ငွေကြေးအချို့ဆုံးရှုံးခဲ့ရသောကြောင့် ထပ်မံဝယ်ယူနိုင်ရေး ထောက်ပံ့ကူညီပေးကြရန် ပြည်သူ့ကာ ကွယ်ရေးတပ်ဖွဲ့ – ကြာညှပ်က မေတ္တာရပ်ခံ အသိပေးလိုက်သည်။
ကြာညှပ်(ပကဖ)အနေဖြင့် လွန်ခဲ့သော တစ်ပတ်ခန့်က လုပ်ငန်းသုံးပစ္စည်းများဝယ်ယူခဲ့ရာ မမျှော်လင့်သော အခက်အခဲအချို့ကြောင့် ကျပ်သိန်း (၆၀)ကျော် ဆုံးဆုံးခဲ့ရသည်ဟု ဆိုသည်။
တော်လှန်ရေးအဖွဲ့အစည်းတစ်ခု ရေရှည်ရပ်တည်နိုင်ရန်မှာ သတင်းပေးခြင်းနှင့် ထောက်ပံ့ကူညီခြင်းတို့မှာ အဓိ ကကျသောကြောင့် လုပ်ငန်းသုံးပစ္စည်းများဝယ်ယူရန်နှင့် စားနပ်ရိက္ခာအတွက် ငွေကြေးထောက်ပံ့မှုများ လုပ်ဆောင်ခြင်းဖြင့် ပူးပေါင်းပါဝင်ပေးကြရန် ကြာညှပ်(ပကဖ)က တိုက်တွန်းသည်။
“ကျွန်တော်တို့ ခုလိုမျိုး Postတင် အကူညီတောင်းတာ ပထမဆုံးပါ။ အဓိကက လစဉ်အလှူရှင်လိုမရှိတော့ အလျင်မှီဖို့ဆိုတာ တော်တော်လေးရုန်းကန်ရတဲ့အခြေနေပါ”ဟု ကြာညှပ်(ပကဖ)မှ တော်လှန်ရေးရဲဘော်တစ်ဦးက ပြောသည်။
ပြည်သူ့ကာကွယ်ရေးတပ်ဖွဲ့-ကြာညှပ် အနေဖြင့် စစ်ကောင်စီတပ်နှင့် ၎င်း၏ထောက်တိုင်များအား ရရာနည်းဖြင့် တော်လှန်ရေးအောင်မြင်သည်အထိ နောက်မဆုတ်ဘဲ တိုက်ပွဲဝင်တော်လှန်သွားပါမည်ဟု ကတိသစ္စာပြုထားသည်။
