တိုက်လေယာဉ်များဖြင့် ဗုံးအလုံး ၂၀ကျော်ကြဲချ တိုက်ခိုက်၊ ဒေသခံတစ်ဦး ဒဏ်ရာရပြီး အဆောက်အဦးပျက်စီးမှုရှိ
ကရင်အမျိုးသားအစည်းအရုံး(KNU) ဖာပွန်ခရိုင် တပ်မဟာ(၅)နယ်မြေသို့ စစ်ကောင်စီတပ်က ယနေ့ လေကြောင်းမှ ဗုံးကြဲတိုက်ခိုက်ခဲ့၍ အရပ်သားတစ်ဦး ဒဏ်ရာရခဲ့ကြောင်း တပ်မဟာ(၅) က သတင်းထုတ်ပြန်သည်။
ဇန်နဝါရီ ၇ရက် နံနက် ၁၀နာရီ ၁၀မိနစ်ခန့်တွင် စစ်ကော်စီတပ်က တိုက်လေယာဉ် နှစ်စီးဖြင့် ဒေဘိုးနိုဒေသအတွင်း ဗုံး လေးလုံး ကြဲချတိုက်ခိုက်ခဲ့သည်ဟု ဖော်ပြထားသည်။
![(စစ်ကောင်စီတပ်က မူတြော်ခရိုင် အမှတ်(၅)တပ်မဟာ ထိန်းချုပ်နယ်မြေအတွင်း စစ်တိုက်လေယာဥ်ဖြင့် ဗုံးများလာရောက်ကြဲချပြီးနောက် တွေ့ရစဥ်၊ ဓာတ်ပုံ - KNU-Mutraw News)](https://i0.wp.com/www.ludunwayoo.com/wp-content/uploads/2023/01/323269574_452149556978463_5812931046867757297_n.jpg?resize=792%2C1024&ssl=1)
ထို့သို့ တိုက်လေယာဉ်ဖြင့် ဗုံးကြဲချတိုက်ခိုက်မှုကြောင့် ရွာသားတစ်ဦးဒဏ်ရာရရှိပြီး၊ အဆောက်အဦး တစ်လုံးနှင့် မော်တော်ယာဉ် တစ်စီးပျက်စီးခဲ့ကြောင်း ဓာတ်ပုံမှတ်တမ်းများနှင့်အတူ ထုတ်ပြန်သည်။
![(စစ်ကောင်စီတပ်က မူတြော်ခရိုင် အမှတ်(၅)တပ်မဟာ ထိန်းချုပ်နယ်မြေအတွင်း စစ်တိုက်လေယာဥ်ဖြင့် ဗုံးများလာရောက်ကြဲချပြီးနောက် တွေ့ရစဥ်၊ ဓာတ်ပုံ - KNU-Mutraw News)](https://i0.wp.com/www.ludunwayoo.com/wp-content/uploads/2023/01/323344386_704518604388827_3560958033914206140_n.jpg?resize=880%2C587&ssl=1)
![(စစ်ကောင်စီတပ်က မူတြော်ခရိုင် အမှတ်(၅)တပ်မဟာ ထိန်းချုပ်နယ်မြေအတွင်း စစ်တိုက်လေယာဥ်ဖြင့် ဗုံးများလာရောက်ကြဲချပြီးနောက် တွေ့ရစဥ်၊ ဓာတ်ပုံ - KNU-Mutraw News)](https://i0.wp.com/www.ludunwayoo.com/wp-content/uploads/2023/01/322601209_6208346372517781_7737383567174558676_n.jpg?resize=880%2C587&ssl=1)
ယနေ့ နံနက် ၈နာရီခန့်မှ ၉နာရီအကြားတွင်လည်း စစ်ကောင်စီတပ်သည် တိုက်လေယာဉ် ခုနစ်စီးဖြင့် ဗုံး ၂၀လုံး လာရောက်ကြဲချခဲ့ရာ ဒေသခံများ၏ လုပ်ငန်းခွင်များအတွင်း ကျရောက် ပေါက်ကွဲခဲ့သည်ဟု ဆိုသည်။
စစ်ကောင်စီတပ်မှ လေကြောင်းမှ တိုက်ခိုက်မှုနှင့် စစ်ဆင်ရေးများပြုလုပ်နေသည့်အတွက် ဒေသခံပြည်သူများအတွက် အခက်အခဲများနှင့် ကြုံတွေ့ရင်ဆိုင်နေရသည့်အပြင် စိုးရိမ်ကြောက်လှန့်မှုများဖြစ်ပွားနေရသည်ဟု KNUတပ်မဟာ(၅)က ထုတ်ပြန်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)