မန္တလေးမြို့မှာ လျှပ်စစ်မီတာကြွေးကျန်တွေကို မဆောင်ရင် ရာသက်ပန်မီးသုံးစွဲခွင့် ပိတ်ပင်ပြီး တရားစွဲမယ်လို့ စစ်ကောင်စီလက်အောက်ခံ မန္တလေးလျှပ်စစ်ဓာတ်အားပေးရေးကော်ပိုရေးရှင်း(MESD) က ထုတ်ပြန်လာပါတယ်။
ဒီနှစ်ဆန်ပိုင်းမှာ ထုတ်ပြန်လာတဲ့ MESC ရဲ့ ထုတ်ပြန်ချက်မှာ မီတာခ ကြွေးကျန် ရဖို့အတွက် တရားစွဲဆိုတာတွေကို စတင်မယ်လို့ ခြိမ်းခြောက်ထားတာတွေ့ရပါတယ်။
ဒါအပြင် မီတာခကြွေးကျန် မဆောင်ရင် လျှပ်စစ်မီးသုံးစွဲခွင့်ကို ရာသက်ပန်ပိတ်ပင်မယ်လို့လည်း ဆိုထားပါတယ်။
မန္တလေးမှာ မီတာမဆောင်တဲ့ အိမ်တွေကို စစ်ကောင်စီတပ် လုံခြုံရေးအစောင့်အရှောက်နဲ့ မီးလိုက်ဖြတ်တာတွေ ရှိခဲ့ပါတယ်။
ပုသိမ်ကြီးမြို့နယ် သမ္မတော ကျေးရွာအုပ်စုထဲက ရွာ ၄ ရွာထက်နည်း မီတာမဆောင်လို့ဆိုပြီး မီးဖြတ်ထားတာဟာ ၆ လခန့်ရှိပါပြီ။
အာဏာသိမ်းပြီးနောက် စစ်ကောင်စီ အခွန်မရဖို့အတွက် အာဏာဖီဆန်တဲ့အနေနဲ့ လူထုဟာ မီတာမဆောင်ဘဲ ဆန့်ကျင်ခဲ့ကြတာပါ။
စစ်ကောင်စီဘက်ကလည်းမီတာမဆောင်တဲ့အိမ်တွေကို မီးဖြတ်ပြီး ပြန်လည်တုံ့ပြန်တာတွေရှိခဲ့ပါတယ်။
