မကွေးတိုင်း၊ ပေါက်မြို့နယ်တွင် မိုင်းလာရှင်းသည့် စစ်ကောင်စီတပ်နှင့်ပျုစောထီးများအား မိုင်းဆွဲတိုက်ခိုက်ရာ ထိခိုက်သေဆုံးမှုရှိကြောင်း မြိုင်မြို့နယ် ပြည်သူ့ကာကွယ်ရေးအဖွဲ့ခေါင်းဆောင် ကိုလယျာ်က ပြောကြားသည်။
ယမန်နေ့(ဇန်နဝါရီ ၁၂ ရက်)မွန်းလွဲ ၁၂နာရီခွဲခန့်က ပေါက်မြို့နယ်ရှိ ပျူစောထီးကြီးစိုးရာ ကုက္ကိုစုကျေးရွာမှ ပျူနှင့် စစ်ကောင်စီတပ်သားများ ပူးပေါင်းပြီး လယ်ဘဲ့ကျေးရွာဘက်သို့ဦးတည်ကာ ကင်းပတ်ထွက်လာခဲ့သည်။
ထိုအချိန်တွင် PDFအဖွဲ့များထောင်ထားသောမိုင်းများအား ဖျက်ဆီးရန်ရောက်လာစဥ် မိုင်းထိသွားခဲ့ကြောင်း၊ ထို့အပြင် အသင့်စောင့်နေသော ရဲဘော်များက ပီပါမိုင်းဖြင့် ထပ်မံဖောက်ခွဲတိုက်ခိုက်ခဲ့ရာ စစ်ကောင်စီတပ်နှင့်ပျူ စုစုပေါင်း လေးဦး အပြင်းအထန်ဒဏ်ရာရရှိသွားကြောင်း မြိုင်(ပကဖ)အဖွဲ့ခေါင်းဆောင် ကိုလယျာ်က ပြောသည်။
“လေးယောက်မှာ နှစ်ကောင်သေ၊ နှစ်ကောင်ဆေးကုနေတယ်လို့ ထပ်မံသိရတယ်။”ဟု ကိုလယျာ်က ဆိုသည်။
အဆိုပါ စစ်ဆင်ရေးကို မြိုင်(ပကဖ)ရင်း -၁ နှင့် Anonymous Special Task Force ပူးပေါင်းအဖွဲ့သားများက ပူးပေါင်းတိုက်ခိုက်ခဲ့ကြောင်း အသိပေးထားသည်။
ပြီးခဲ့သည့် ဒီဇင်ဘာ ၁၂ ရက် ညနေ ၃ နာရီခန့်ကလည်း ကုက္ကိုစုရွာရှိ စစ်ကောင်စီတပ်နှင့် ပျူများကင်းပတ်ထွက်လာချိန် Anonymous Special Task Force -Pauk ရဲဘော်များက
Rocket (၆)လုံး၊ လက်နက်ကြီး(၁၁)လုံးနှင့် ဒရုန်းများဖြင့် တိုက်ခိုက်ခဲ့ရာ စစ်အုပ်စု ထိခိုက်မှုများ ရှိခဲ့သည်။
