စစ်အာဏာရှင် သက်ဆိုးရှည်စေမည့် ဟန်ပြရွေးကောက်ပွဲ ဖြစ်မြောက်ရေးတွင် ပါဝင်ပတ်သက်သည့် မည်သည့်အဖွဲ့အစည်း၊ လူပုဂ္ဂိုလ်မျိုးကိုမဆို လိုအပ်သလို အရေးယူဆောင်ရွက်သွားမည်ဟု မတူပီမြို့နယ် ချင်းပြည်ကာကွယ်ရေးတပ်ဖွဲ့(CDF)က ထုတ်ပြန်သည်။
မင်းအောင်လှိုင်ဦးဆောင်သည့် အကြမ်းဖက်စစ်ကောင်စီအဖွဲ့သည် ၎င်းတို့ မတရား အာဏာသိမ်းယူထားသည့် နိုင်ငံတော်အာဏာအား ဆက်လက်ထိမ်းသိမ်းနိုင်ရေးနှင့် အကြမ်းဖက်အဖွဲ့ တရားဝင်အစိုးရ ဖြစ်လာရေးအတွက် ဟန်ပြရွေးကောက်ပွဲ ကျင်းပနိုင်ရန် ပြင်ဆင်လျက်ရှိသည်ဟု မတူပီ CDFက ဆိုသည်။
![စစ်ကောင်စီ၏ ဟန်ပြရွေးကောက်ပွဲဖြစ်မြောက်ရေး ပါဝင်ပတ်သက်သည့် အဖွဲ့အစည်း၊ ပုဂ္ဂိုလ်များကို အရေးယူမည်ဟု မတူပီ CDFသတိပေး](https://i0.wp.com/www.ludunwayoo.com/wp-content/uploads/2023/01/322380518_833370834632465_8076762121824408672_n.png?resize=726%2C1024&ssl=1)
မတူပီ CDFအနေဖြင့် စစ်ကောင်စီ ပြုလုပ်မည့် ဟန်ပြရွေးကောက်ပွဲအား လက်ခံမည်မဟုတ်ကြောင်း ဖော်ပြထားပြီး ပြည်သူများအနေဖြင့် စစ်အာဏာရှင် သက်ဆိုးရှည်စေသည့် လုပ်ငန်းစဉ်များတွင် ပါဝင်ပတ်သက်မှု မပြုလုပ်ကြရန် သတိပေးခဲ့သည်။
ဒေသအသီးသီးရှိ ပြည်သူ့ကာကွယ်ရေးတပ်များနှင့် တိုင်းရင်းသားလက်နက်ကိုင်တပ်ဖွဲ့များကလည်း စစ်ကောင်စီ၏အတုအယောင် ရွေးကောက်ပွဲအတွက် ပူးပေါင်းဆောင်ရွက်သူများကို ပြင်းထန်စွာအရေးယူမည်ဖြစ်ကြောင်းနှင့် စစ်ကောင်စီရွေးကောက်ပွဲကို ဟန့်တားရန် အသိပေးထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)