မြန်မာနိုင်ငံလုံးဆိုင်ရာ ကျောင်းသားများ ဒီမိုကရက် တစ်တပ်ဦး(ABSDF)၏ ချင်းတွင်းဒေသအခြေခံစစ်ပညာသင်တန်း အပတ်စဉ်(၁) သင်တန်းဆင်းပွဲကိုကို ယမန်နေ့က ပြုလုပ်ခဲ့ကြောင်း ABSDFက ယနေ့ ထုတ်ပြန်သည်။
ဇန်နဝါရီ ၁၄ရက်က ကျင်းပခဲ့သည့် အဆိုပါ သင်တန်း ဆင်းပွဲသို့ အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးရည်မွန်က ဂုဏ်ပြုသဝဏ်လွှာပေးပို့ခဲ့သည်။
ABSDFသည် ၁၉၈၈ လူထုအရေးတော်ပုံ ကာလကစတင်ပြီး တော်လှန်ရေးတာဝန်ကို မဆုတ်မနစ် ထမ်းပို့းခဲ့၍ မြန်မာပြည်သူများ၊ လူငယ်များက လေးစားမှု ၊ ယုံကြည်မှု ထားရှိသကဲ့သို့ စစ်အာဏာရှင်ဆန့်ကျင်ရေး ပြည်သူ့အရေးတော်ပုံ အပြီးသတ်အောင်ပွဲခံသည့်အထိ တော်လှန်ရေးညီနောင် အင်အား စုများနှင့် လက်တွဲပြီးရှေ့ဆောင်ပါဝင်ရန်လည်း ပြည်သူအားလုံးက မျှော်လင့်ကြကြောင်း သဝဏ်လွှာ ၌ ဖော်ပြထားသည်။
ABSDF နှင့် ၂၀၂၁နွေဦးတော်လှန်ရေးမျိုးဆက် သစ် လူငယ်များဖြင့် တည်ထောင်ခဲ့သည့် ပြည်သူ့ကာကွယ် ရေးတပ်မတော် PDFသည် စစ်အာဏာရှင်စနစ်ဆန့်ကျင်တိုက်ဖျက်ရေး တော်လှန်ရေး အလံတော် တစ်လက်တည်းကို ကိုင်ဆောင်ကြသူချင်းလည်းဖြစ်၍ ABSDFနှင့် PDFသည် ညီရင်းအကို တော်လှန်ရေးအင်အားစုနှစ်ခုဟုဆိုနိုင် ကြောင်း ကာကွယ်ရေးဝန်ကြီးက ဆိုသည်။
တော်လှန်ရေးအင်အားစုများ ပေါင်းစည်းမိသည့်အခါတွင် အားကောင်းသည့် တော်လှန်ရေးအနေဖြင့် လူသတ် အကြမ်းဖက်စစ်အာဏာရှင်များကို ရှင်းလင်းသုတ်သင်ဖယ်ရှားနိုင်မည်ဖြစ်ကြောင်း ယုံကြည်သည်ဟုလည်း သဝဏ်လွှာ၌ ဖော်ပြထားသည်။
ABSDFသည် ကချင်ပြည်နယ်နှင့် ကရင်ပြည်နယ်တို့တွင်လည်း တပ်ဖွဲ့များရှိပြီး စစ်အာဏာရှင် ဆန့်ကျင်ရေး တိုက်ပွဲဝင်နေသည့် တပ်ဖွဲ့ဖြစ်သည်။
