ဒီးမော့ဆိုမြို့နယ်တွင် ကင်းထောက်အဖွဲ့ထောင်ထားသောမိုင်းကို စစ်ကောင်စီတပ်ဖွဲ့မှ နင်းမိပြီး သေဆုံးမှုများရှိခဲ့ကြောင်း အလယ်ပိုင်းတိုင်း(၁၁၀၂)တပ်ရင်းက ယနေ့ ထုတ်ပြန်သည်။
အလယ်ပိုင်းတိုင်း ဒီးမော့ဆို(၁၁၀၂)တပ်ရင်း ကင်းထောက်တပ်ဖွဲ့သည် ဇန်နဝါရီ ၇ရက်တွင် စစ်ကောင်စီတပ်များ လှုပ်ရှားသွားလာနေသည့် နေရာတွင် မိုင်းများဆင်ထားခဲ့သည်ဟု ဆိုသည်။
ယင်းမိုင်းများကို ဇန်နဝါရီ ၁၈ရက် နံနက် ၄နာရီတွင် စစ်ကောင်စီတပ်များ နင်းမိပြီးထိခိုက်သေဆုံးမှုများရှိခဲ့ကြောင်း ဖော်ပြခဲ့ခြင်း ဖြစ်သည်။
![စစ်ကောင်စီတပ်သားများ၏ မိုင်းနင်းမိစဥ် သွေးကွက်များနှင့် ကာကွယ်ရေးတပ်မှ ဆင်းထားသည့် မိုင်းများအား တွေ့ရစဥ်၊ ဓာတ်ပုံ - အလယ်ပိုင်းတိုင်း (၁၁၀၂) တပ်ရင်း](https://i0.wp.com/www.ludunwayoo.com/wp-content/uploads/2023/01/326102755_735983241377627_5686060410232461679_n.jpg?resize=880%2C660&ssl=1)
စစ်ကောင်စီတပ်များမှ သေဆုံးနေသော အလောင်းများဆွဲထုတ်သွားကာ သွေးကွက်များကို မြေကြီးဖြင့် ဖုံးထားခဲ့သည်ဟု ဆိုသည်။
သို့သော် စစ်ကောင်စီတပ်မှ သေဆုံးမှုများ၊ ထိခိုက်မှုအရေအတွက်ကိုမူ အတိအကျ အတည်မပြုနိုင်သေးပေ။
![စစ်ကောင်စီတပ်သားများ၏ မိုင်းနင်းမိစဥ် သွေးကွက်များနှင့် ကာကွယ်ရေးတပ်မှ ဆင်းထားသည့် မိုင်းများအား တွေ့ရစဥ်၊ ဓာတ်ပုံ - အလယ်ပိုင်းတိုင်း (၁၁၀၂) တပ်ရင်း](https://i0.wp.com/www.ludunwayoo.com/wp-content/uploads/2023/01/326145196_747503633072939_238796000485490123_n.jpg?resize=768%2C1024&ssl=1)
ရဲဘော်များမှ နေ့စဥ်ကင်းထောက်မှုများပြုလုပ်နေပြီး စစ်အာဏာရှင်ကို အမြစ်ပြတ်သည်အထိ တိုက်ထုတ်သွားမည်ဟုလည်း အလယ်ပိုင်းတိုင်း ဒီးမော့ဆို(၁၁၀၂)တပ်ရင်းအသိပေးသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
“(၆)မိုင်ဘက်မှာ နေ့စဥ်ထိတွေ့မှုရှိသလို စကစဘက်က လက်နက်ကြီးနဲ့နေ့တိုင်းပစ်ခတ်နေတယ်”ဟု ဒီးမော့ဆိုမြို့နယ်ပြည်သူ့ကာကွယ်ရေးတပ်ဖွဲ့ဝင်တစ်ဦးက လူထုနွေဦးသို့ ပြောသည်။
![စစ်ကောင်စီတပ်သားများ၏ မိုင်းနင်းမိစဥ် သွေးကွက်များနှင့် ကာကွယ်ရေးတပ်မှ ဆင်းထားသည့် မိုင်းများအား တွေ့ရစဥ်၊ ဓာတ်ပုံ - အလယ်ပိုင်းတိုင်း (၁၁၀၂) တပ်ရင်း](https://i0.wp.com/www.ludunwayoo.com/wp-content/uploads/2023/01/325945431_1555812304925525_6408519082924791337_n.png?resize=720%2C960&ssl=1)
ဒီးမော့ဆိုမြို့နယ် (၆)မိုင်စံပြလမ်းမကြီးတစ်လျှောက် စစ်ကောင်စီက စစ်ကြောင်းသုံးခုခွဲ ၍ ဝင်ရောက်လာပြီးနောက် နေ့စဥ်တိုက်ပွဲဖြစ်ပွားနေကာ စစ်ကောင်စီတပ်မှ ခုနစ်ဦးထက်မနည်းသေဆုံးထားကြောင်း ကရင်နီအမျိုးသားများကာကွယ်ရေးတပ်(KNDF)တပ်ရင်း – ၉က ယမန်နေ့တွင် ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)