တနင်္သာရီတိုင်း၊ လောင်းလုံမြို့နယ်တွင် ကျေးရွာနှစ်ရွာကိုစစ်ကောင်စီတပ်ကမီးရှို့ဖျက်ဆီးခဲ့ကြောင်း ဒေသခံများကပြောသည်။
လောင်းလုံမြို့နယ်အတွင်းရှိ ကျေးရွာနှစ်ရွာဖြစ်သည့် ညောပြင်ကျေးရွာနှင့် အောက်ကျောက်ဝပ်ကျေးရွာတို့မှ အနည်းဆုံးအိမ်ခြေ ၁၅၀ခန့်ကို စစ်ကောင်စီတပ်က မတ်လ ၂၁ ရက်တွင်မီးရှို့ဖျက်ဆီးခဲ့ပြီး ရွာသားတချို့ကို အကြမ်းဖက်သတ်ဖြတ်မှုများ ပြုလုပ်ခဲ့သည်ဟု ဒေသခံတစ်ဦးကပြောသည်။
ထိုပြင် အောက်ကျောက်ဝပ်ကျေးရွာမှ အသက်၂၀အရွယ် လူငယ်တစ်ဦးကိုလည်း စစ်ကောင်စီက မတ်လ ၂၁ ရက်နေ့လယ် ၁၂ နာရီခန့်ကပစ်သတ်ခဲ့သည်ဟုလည်းသိရသည်။
![(စစ်အုပ်စုက လောင်းလုံမြို့နယ်မှ ကျေးရွာနှစ်ရွာကိုမီးရှို့ဖျက်ဆီးခဲ့ပြီးနောက်တွေ့ရစဥ်။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/03/337521819_182908544209492_7454733003929023338_n.jpg?resize=720%2C540&ssl=1)
![(စစ်အုပ်စုက လောင်းလုံမြို့နယ်မှ ကျေးရွာနှစ်ရွာကိုမီးရှို့ဖျက်ဆီးခဲ့ပြီးနောက်တွေ့ရစဥ်။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/03/337265741_704647751444508_7309506933054491210_n.jpg?resize=720%2C540&ssl=1)
![(စစ်အုပ်စုက လောင်းလုံမြို့နယ်မှ ကျေးရွာနှစ်ရွာကိုမီးရှို့ဖျက်ဆီးခဲ့ပြီးနောက်တွေ့ရစဥ်။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/03/337509568_1918390301847251_1756308218258547693_n.jpg?resize=720%2C540&ssl=1)
![(စစ်အုပ်စုက လောင်းလုံမြို့နယ်မှ ကျေးရွာနှစ်ရွာကိုမီးရှို့ဖျက်ဆီးခဲ့ပြီးနောက်တွေ့ရစဥ်။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/03/337170870_950458549301607_7956071241325788993_n.jpg?resize=719%2C540&ssl=1)
“နေ့လယ်လောက်မှာ ရွာထဲဝင်လာပြီး အိမ်တွေကို မီးရှို့ပြီး သေနတ်နဲ့ပစ်သတ်သွားတာ ရုတ်တရတ်ကြီးဆိုတော့ လူတွေက ဒီတိုင်းထွက်ပြေးသွားရတာ”ဟုဒေသခံတစ်ဦးကပြောသည်။
စစ်ကောင်စီမီးရှို့ခဲ့ရာတွင်အိမ်ခြေ ၃၀၀ ရှိသော ညောပြင်ကျေးရွာက နေအိမ် ၁၀၀နှင့် အိမ်ခြေ ၂၀၀ ခန့်ရှိသောအောက်ကျောက်ဝပ်ကျေးရွာမှ အိမ်ခြေ ၅၀ခန့်ကို မီးလောင်ပျက်စီးခဲ့ကြောင်းဒေသခံများကပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ညောပင်ရွာကို နေ့လယ် ၁၂ နာရီခန့်နှင့် အောက်ကျောက်ဝပ်ကျေးရွာကို နေ့လယ် ၁နာရီခန့်က မီးရှို့ခဲ့ခြင်းဖြစ်သည်ဟု ဒေသခံများကပြောသည်။စစ်တပ်က စစ်ကြောင်းထိုးအကြမ်းဖက်ဖျက်ဆီးမှုကြောင့် ကျေးရွာနှစ်ရွာမှ ဒေသခံ ၁၅၀၀ခန့်က ထွက်ပြေးတိမ်းရှောင်နေရသည်။
![(စစ်အုပ်စုက လောင်းလုံမြို့နယ်မှ ကျေးရွာနှစ်ရွာကိုမီးရှို့ဖျက်ဆီးခဲ့ပြီးနောက်တွေ့ရစဥ်။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/03/337236023_691345956009721_9023617536025674331_n.jpg?resize=720%2C540&ssl=1)
![(စစ်အုပ်စုက လောင်းလုံမြို့နယ်မှ ကျေးရွာနှစ်ရွာကိုမီးရှို့ဖျက်ဆီးခဲ့ပြီးနောက်တွေ့ရစဥ်။ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2023/03/337254554_1157463461596116_1892121965415992927_n.jpg?resize=720%2C540&ssl=1)
အဆိုပါကျေးရွာနှစ်ရွာအပြင် အနီးအနားရှိကျေးရွာ ၅ ရွာမှဒေသခံများကလည်းထွက်ပြေးတိမ်းရှောင်နေရသည်ဟု ဒေသခံများကပြောသည်။
“စစ်ကောင်စီတပ်ကတနင်္သာရီတိုင်းကပြည်သူတွေကို အညာမှာလို မီးရှို့ဖျက်ဆီးမှုလုပ်နေကြတယ်”ဟု ထားဝယ်မြို့နယ်မှ ဒေသခံကာကွယ်ရေးတပ်ဖွဲ့ဝင်တစ်ဦးကပြောသည်။
နိုင်ငံအတွင်း စစ်တပ်က အာဏာသိမ်းပြီးနှစ်နှစ်ကျော်ကာလအတွင်း စစ်တပ်နှင့် ၎င်းတို့လက်အောက်ခံ အဖွဲ့များက မီးရှို့မှုကြောင့် တနင်္သာရီတိုင်းတွင် နေအိမ် ၄၀၀ ကျော်မီးရှို့ဖျက်ဆီးခဲ့သည်။ ထိုအပြင်စစ်တပ်က တစ်နိုင်ငံလုံးတွင်၂၀၂၃ ဖေဖော်ဝါရီ လကုန်အထိအိမ်ခြေ ၆၀၀၀၀ ကျော်မီးရှို့ဖျက်ဆီးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)