ရန်ကုန်၊ ဗဟန်းမြို့နယ်၊ နတ်မောက်လမ်းသွယ်ထဲမှာ ဒဏ်ရာတွေနဲ့ သေဆုံးနေတဲ့ အမျိုးသားရုပ်အလောင်းကိုမနေ့က မနက်ပိုင်းမှာတွေ့ခဲ့ရတယ်လို့ မြန်မာမွတ်စလင်မ်ပရဟိတအဖွဲ့ထံကသိရပါတယ်။
ဗဟန်းမြို့နယ် ၊နတ်မောက်လမ်းသွယ် ( ၁) ထဲက ခြံတစ်ခြံရှေ့မှာ ဒဏ်ရာတွေနဲ့ အမျိုးသားတစ်ဦး လဲကျသေဆုံးနေတယ်ဆိုတဲ့သတင်းအရ သွားရောက်သယ်ဆောင်ပေးခဲ့တာလို့ အဲဒီအဖွဲ့က ဆိုထားပါတယ်။
အလောင်းရဲ့ လည်ပင်းမှာ ကြိုးနဲ့ချိတ်ဆွဲထားတဲ့ ဖုန်းကနေတဆင့်မိသားစုနဲ့ အဆက်အသွယ်ရပြီး သေဆုံးသူအမျိုးသားဟာ ကြည့်မြိုင်တိုင်မြို့နယ် ၊သီတာရပ်ကွက် ၊သိင်္ဂီ လမ်းမှာနေထိုင်သူဖြစ်တယ်လို့ သိခဲ့ရတယ်လို့သိရပါတယ်။
သေဆုံးသူအမျိုးသားဟာ တက္ကစီမောင်းနှင်သူဖြစ်ပြီး မတ်လ ၂၂ ရက် က အိမ်ကနေ ထွက်သွားတာဖြစ်တာပါ။
မြန်မာမွတ်စလင်မ်ပရဟိတအဖွဲ့ရဲ့ဖော်ပြချက်အရ အဲဒီအမျိုးသားပိုင်တဲ့ Cherry QQအမျိုးအစားကားလည်းပျောက်ဆုံးနေတယ်လို့သိရပါတယ်။
