ပဲခူးမြို့ ရွှေမော်ဓောဘုရားပွဲတွင် ယမန်နေ့ (မတ်လ ၂၆) ညပိုင်း၌ ပင်လယ်ဓားပြလှေ (အပျော်စီးလှေရဟတ်) ၏ အတက်အဆင်း လှေကားကျိုးကျ၍ လူ ၁၀ ဦးခန့် ထိခိုက်ဒဏ်ရာရရှိခဲ့ကြောင်း ဒေသခံများကပြောသည်။
![ဓာတ်ပုံ - လေးလေးသန်းအောင် / Facebook](https://i0.wp.com/www.ludunwayoo.com/wp-content/uploads/2023/03/338310595_243644788051330_3489659429447646374_n.jpg?resize=880%2C396&ssl=1)
ယမန်နေ့ ည ၁၀ နာရီဝန်းကျင်တွင် ပဲခူး ရွှေမော်ဓောဘုရားပွဲတွင် ပင်လယ်ဓားပြလှေ (အပျော်စီးလှေရဟတ်) အတက်အဆင်းလမ်းတွင် လူများတိုးကြိတ်ရာမှ လှေကားကျိုးကျသဖြင့် လူများ ထိခိုက်ဒဏ်ရာရရှိခဲ့ခြင်း ဖြစ်ကြောင်း ဒေသခံ ပရဟိတအဖွဲ့တစ်ဖွဲ့မှ စေတနာ့ဝန်ထမ်းတစ်ဦးကပြောသည်။
![ဓာတ်ပုံ - လေးလေးသန်းအောင် / Facebook](https://i0.wp.com/www.ludunwayoo.com/wp-content/uploads/2023/03/337552341_972878530754293_5317445806383716749_n.jpg?resize=768%2C1024&ssl=1)
” ပင်လယ်ဓားပြလှေကို လူတွေ စုပြုံတက်ရင်း ဝိတ်မနိုင်တော့ အတက်အဆင်းလှေကား ကျိုးကျတာလို့ သိရတယ်။ ၁၀ ယောက်နီးပါးလောက် ထိခိုက်ဒဏ်ရာရတယ်။ ဒဏ်ရာများတဲ့သူ ၂၊ ၃ ယောက်လောက်ပါတယ်။ အသက်အန္တရာယ် ထိခိုက်မှုတော့ မရှိပါဘူး။ ပဲခူးဆေးရုံကို ပို့ထားပြီး ဆေးကုသမှု ခံယူနေကြပါတယ် ” ဟု ၎င်းကပြောသည်။
ပဲခူးမြို့ ရွှေမောဓောဘုရားပွဲကိုစစ်ကောင်စီက ဦးစီး၍ပြုလုပ်နေခြင်းဖြစ်ပြီး မတ်လ ၂၀ ရက်မှ စတင်ကာ ဧပြီလဆန်းပိုင်းအထိ ပြုလုပ်မည်ဟုသိရသည်။
![ဓာတ်ပုံ - လေးလေးသန်းအောင် / Facebook](https://i0.wp.com/www.ludunwayoo.com/wp-content/uploads/2023/03/337417472_676070691190284_7512890463979430387_n.jpg?resize=768%2C1024&ssl=1)
![ဓာတ်ပုံ - လေးလေးသန်းအောင် / Facebook](https://i0.wp.com/www.ludunwayoo.com/wp-content/uploads/2023/03/337496817_170936455823490_381471618015159318_n.jpg?resize=768%2C1024&ssl=1)
ပဲခူးမြို့ ပြည်သူများအနေဖြင့် အကြမ်းဖက် စစ်ကောင်စီက ဦးစီးပြုလုပ်သည့် ပွဲလမ်းသဘင်များ၊ သကြန်ပွဲများကို သွားရောက်ခြင်း မပြုကြရန်နှင့် ဂရုစိုက်၍ ရှောင်ကြဉ်ကြရန် တော်လှန်ရေးအင်အားစုများက သတိပေးဖော်ပြထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)