မန္တလေးမြို့၊ အမရပူရမြို့မရဲစခန်း မနေ့ မနက်ပိုင်းက ဒရုန်းနဲ့ ဗုံးချ တိုက်ခိုက်တာခံလိုက်ရပြီး ၅ ဦးထိခိုက်ဒဏ်ရာရသွားတယ်လို့ ရဲအသိုင်းအဝိုင်းဆီကသိရပါတယ်။
စစ်ကိုင်း − မန္တလေး ကားလမ်းဘေးမှာရှိတဲ့ အမရပူရရဲစခန်းကို မေလ ၁ ရက် မနက် ၆ နာရီမှာ တစ်ကြိမ်၊ မနက် ၁၀ နာရီမှာ တစ်ကြိမ် ဒရုန်းနဲ့ ဗုံးချ တိုက်ခိုက်ခံရတာပါ။
ပထမ တစ်ကြိမ် မှာ ရဲစခန်းကိုမကျဘဲ အနီးက နေအိမ်နားကျရောက် ပေါက်ကွဲပြီး. ဒုတိယအကြိမ်မှာ ရဲစခန်းဝန်းထဲက လူနေလိုင်းခန်းဝန်းကျင် ကို ကျရောက်တယ်လို့ သိရပါတယ်။
အဲဒီတိုက်ခိုက်မှုမှာ ၅ ဦးထိခိုက်ပြီး ရဲဝန်ထမ်း မိသားစုဝင်တွေဖြစ်တယ်လို့ စစ်အုပ်စုဘက်ကဆိုထားပါတယ်။
ဒဏ်ရာရသူ ၅ ဦးရဲ့အသက်အရွယ် ၊ အရပ်သား ပြည်သူ ဟုတ်မဟုတ် ကို သီးခြားအတည်မပြုနိုင်ပါဘူး ။
ရဲစခန်းတိုက်ခိုက်ခံရပြီးနောက် ရဲစခန်းရှေ့က စစ်ကိုင်း − မန္တလေး ကားလမ်းကို စစ်ကောင်စီတပ်က ဖြတ်သန်းခွင့် ယာယီ ပိတ်ပင်လိုက်ပါတယ်။
