ဆူပူအောင်လှုံဆော်မှုနဲ့ မတရားဖမ်းဆီးထောင်ချခံထားရသူ ၂,၀၀၀ ကျော်ကို အာဏာသိမ်းစစ်ကောင်စီက ဒီနေ့ လွှတ်ပေးရာမှာ မန္တလေး အိုးဘိုထောင်ကနေ ၅၆၉ ဦး ပြန်လည်လွတ်မြောက်လာတယ်လို့ သိရပါတယ်။
လွတ်မြောက်လာသူ ၅၆၉ ဦး မှာ အမျိုးသား ၅၂၅ ဦးနဲ့ အမျိုးသမီး ၄၄ ဦး ပါဝင်တယ်လို့ အိုးဘိုထောင်အကျဉ်းဦးစီးဌာနက ဆိုပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
စစ်ကောင်စီကပြန်လွှတ်ပေးလိုက်သူတွေဟာ ထောင်ဒဏ်စေ့ခါနီး လပိုင်းမျှသာလိုတော့တဲ့သူတွေအများဆုံးပါဝင်လာကြတာပါ။
စစ်ကောင်စီဘက်ကတော့ ထောင်ဒဏ်ကျခံဖို့ ၁ နှစ်အောက်ကျန်တဲ့သူတွေကိုလွှတ်ပေးတာလို့ဆိုထားပါတယ်။
မန္တလေး အိုးဘိုထောင်က လွတ်မြောက်လာသူတွေထဲမှာ CDM ကျောင်းဆရာမတွေ ၊ ရှေ့နေတွေနဲ့ ဆန္ဒပြလို့ ဖမ်းခံရသူတွေပါဝင်ကြတယ်လို့သိရပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)