အိန္ဒိယအစိုးရက စစ်ကောင်စီနှင့်ပူးပေါင်း၍ စစ်တွေဆိပ်ကမ်းစီမံကိန်းကို ယနေ့ဖွင့်လှစ်ကြောင်း အိန္ဒိယသံရုံးက ထုတ်ပြန်ကြေညာသည်။
စစ်တွေဆိပ်ကမ်းသည် ဒေါ်လာသန်း ၅၀၀ခန့်တန်ကြေးရှိသော ကုလားတန် ဘက်စုံသုံး သယ်ယူပို့ဆောင်ရေး စီမံကိန်း၏ အစိပ်အပိုင်းဖြစ်တစ်ခုဖြစ်သည်ဟုဆိုသည်။ အိန္ဒိယနိုင်ငံ အရှေ့မြောက်ပိုင်းပြည်နယ်များကို စစ်တွေမြို့တဆင့် ကာလကတ္တားဆိပ်ကမ်းကိုဆက်သွယ်ရန်ဖြစ်သည်ဟုထုတ်ပြန်သည်။
ဆိပ်ကမ်းဖွင့်ပွဲကို အိန္ဒိယနိုင်ငံမှ ဆိပ်ကမ်းများ၊ ကုန်စည်သယ်ယူပို့ဆောင်ရေးနှင့်ရေကြောင်း ပို့ဆောင်ရေးဝန်ကြီးနှင့် စစ်ကောင်စီဗိုလ်ချုပ်ကြီး တင်အောင်စန်းတို့က ပူးတွဲဖွင့်လှစ်ခဲ့ခြင်းဖြစ်သည်။
![(စစ်တွေဆိပ်ကမ်းဖွင့်ပွဲကိုပြုလုပ်နေစဥ်။ ဓါတ်ပုံ-အိန္ဒိယသံရုံး)](https://i0.wp.com/www.ludunwayoo.com/wp-content/uploads/2023/05/346104915_214829131299781_6968661758843463670_n.jpg?resize=880%2C660&ssl=1)
ထိုဆိပ်ကမ်းသည် ကုန်သွယ်မှု၊ အလုပ်အကိုင်ရရှိမှု၊ခရီးသွားလုပ်ငန်း၊ ကမ်းရိုးတန်းသွား သင်္ဘောပြေးဆွဲတို့ဖြင့် လူနေမှုဘဝကို ပြောင်းလဲစေမည်ဟု အိန္ဒိယသံရုံးက ဆိုသည်။
ဖွင့်ပွဲတွင် အိန္ဒိယနိုင်ငံက စစ်ကောင်စီအတွက် ဘိလပ်မြေအိတ် တန်ချိန် ၁၀၀၀ ပါဝင်ပြီး မြန်မာနိုင်ငံက မတ်ပဲ တန် ၁၀၀၀ကို ပြန်လည်သယ်ဆောင်သွားမည်ဟု အိန္ဒိယသံရုံးကထုတ်ပြန်ထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ကုလားတန်ဘက်စုံသုံး သယ်ယာပို့ဆောင်ရေး စီမံကိန်း၏ အစိတ်အပိုင်း တစ်ရပ် အဖြစ် စစ်တွေ ဆိပ်ကမ်းကို ၂၀၁၀ ခုနှစ်မှ စတင် ခဲ့ခြင်းဖြစ်ပြီး Inland Waterways Authority of India (IWAI)က ဆိပ်ကမ်းနှင့် ဆက်စပ် အစိတ်အပိုင်းများတို အကောင်အထည်ဖော်ရေးအတိုင်ပင်ခံအဖြစ်ဆောင်ရွက်ခဲ့ခြင်းဖြစ်သည်။
မြန်မာနိုင်ငံတွင်စစ်တပ်က အာဏာသိမ်းပြီးနောက် အိန္ဒိယအစိုးရသည် စစ်ကောင်စီနှင့်ထိတွေ့ဆက်ဆံကာကူညီနေသည့် နိုင်ငံဖြစ်ပြီး ယခုနှစ်ဆန်းပိုင်းတွင်လည်း စစ်ကောင်စီအတွက် လက်နက်ကြီးပြောင်းများကို တင်ပို့ပေးခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)