▪︎PDFများကတိုက်ပွဲဝင်ရန်အသင့်ဖြစ်နေပြီဟုပြောကြောင်းစစ်ရေးတာဝန်ခံပြော
စစ်ကောင်စီအား ခုခံတော်လှန်စစ်မှထိုးစစ်သို့ ပြောင်းလဲလာသည့်အပေါ် ကာကွယ်ရေးရဲဘော်များက စိတ်အားထန်သန်နေကြပြီး တိုက်ပွဲဝင်ရန် အသင့်ဖြစ်နေပြီဟု ကြွေးကြော်ကြသည်ဟု ပြည်သူ့ကာကွယ်ရေးရဲဘော်များနှင့် တွေ့ဆုံခဲ့သော တနင်္သာရီတိုင်းစစ်ဒေသခွဲ စစ်ရေးတာဝန်ခံကပြောသည်။
![(တနင်္သာရီတိုင်းစစ်ဒေသခွဲစစ်ရေးတာဝန်ခံက တနင်္သာရီတိုင်းရှိ PDFများနှင့်တွေ့ဆုံဆွေးနွေးနေစဥ်။ ဓါတ်ပုံ-တနင်္သာရီတိုင်းစစ်ဒေသခွဲ)](https://i0.wp.com/www.ludunwayoo.com/wp-content/uploads/2023/06/353661845_598186982380098_8424696737646211121_n.jpg?resize=880%2C386&ssl=1)
![(တနင်္သာရီတိုင်းစစ်ဒေသခွဲစစ်ရေးတာဝန်ခံက တနင်္သာရီတိုင်းရှိ PDFများနှင့်တွေ့ဆုံဆွေးနွေးနေစဥ်။ ဓါတ်ပုံ-တနင်္သာရီတိုင်းစစ်ဒေသခွဲ)](https://i0.wp.com/www.ludunwayoo.com/wp-content/uploads/2023/06/351481624_598187025713427_8258563219059226629_n.jpg?resize=807%2C454&ssl=1)
![(တနင်္သာရီတိုင်းစစ်ဒေသခွဲစစ်ရေးတာဝန်ခံက တနင်္သာရီတိုင်းရှိ PDFများနှင့်တွေ့ဆုံဆွေးနွေးနေစဥ်။ ဓါတ်ပုံ-တနင်္သာရီတိုင်းစစ်ဒေသခွဲ)](https://i0.wp.com/www.ludunwayoo.com/wp-content/uploads/2023/06/353024519_598187052380091_2387286389077554935_n.jpg?resize=880%2C384&ssl=1)
![(တနင်္သာရီတိုင်းစစ်ဒေသခွဲစစ်ရေးတာဝန်ခံက တနင်္သာရီတိုင်းရှိ PDFများနှင့်တွေ့ဆုံဆွေးနွေးနေစဥ်။ ဓါတ်ပုံ-တနင်္သာရီတိုင်းစစ်ဒေသခွဲ)](https://i0.wp.com/www.ludunwayoo.com/wp-content/uploads/2023/06/352189591_598187085713421_46710870729257356_n.jpg?resize=880%2C393&ssl=1)
တနင်္သာရီစစ်ဒေသခွဲကွပ်ကဲရေးအဖွဲ့၏စစ်ဆင်ရေးတာဝန်ခံနှင့်အဖွဲ့သည် ပြည်သူ့ကာကွယ်ရေးတပ်မတော်ရှေ့တန်းတပ်ခွဲများမှ ရဲဘော်များနှင့် လိုက်လံတွေ့ဆုံနေပြီး အဆိုပါ တွေ့ဆုံမှုများတွင် ပြည်သူ့ကာကွယ်ရေးရဲဘော်များ၏ စိတ်အားထက်သန်မှုကို” စစ်ရေးအရ ကျွန်တော်တို့ MOD က သတ်မှတ်ထားတဲ့ one year strategy ရှိတယ်။အခုကာလက တိုက်ခိုက်သိမ်းပိုက်တဲ့ကာလရောက်နေပြီ။ ဒီအပေါ်မှာ စစ်ဆင်ရေးလုပ်ဖို့အတွက် ကာကွယ်ရေးရဲဘော်တွေက စိတ်အားထက်သန်နေပါတယ်” ဟု တနင်္သာရီစစ်ဒေသခွဲ ကွပ်ကဲရေးအဖွဲ့၏ စစ်ဆင်ရေးတာဝန်ခံက People’s Springသို့ ပြောသည်။
တနင်္သာရီတိုင်းအတွင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန လက်အောက်ခံ ပြည်သူ့ကာကွယ်ရေး တပ်ရင်း ငါးရင်းရှိပြီး မြို့နယ်တိုင်းတွင်လည်း ပြည်သူ့ကာကွယ်ရေးတပ်ဖွဲ့များ ရှိနေသည်။ တနင်္သာရီတိုင်း၊ဆယ်မြို့နယ်စလုံးမှပြည်သူ့ကာကွယ်ရေးတပ်ဖွဲ့များသည် တနင်္သာရီစစ်ဒေသခွဲ၏ ကွပ်ကဲမှုအောက်တွင် ရှိသည်။
![(တနင်္သာရီတိုင်းစစ်ဒေသခွဲစစ်ရေးတာဝန်ခံက တနင်္သာရီတိုင်းရှိ PDFများနှင့်တွေ့ဆုံဆွေးနွေးနေစဥ်။ ဓါတ်ပုံ-တနင်္သာရီတိုင်းစစ်ဒေသခွဲ)](https://i0.wp.com/www.ludunwayoo.com/wp-content/uploads/2023/06/353640586_598187119046751_3105145469872858807_n.jpg?resize=880%2C386&ssl=1)
တနင်္သာရီစစ်ဒေသခွဲကွပ်ကဲရေးအဖွဲ့၏ စစ်ဆင်ရေးတာဝန်ခံနှင့်အဖွဲ့သည် ပြည်သူ့ကာကွယ်ရေးတပ်မတော်ရှေ့တန်းတပ်ခွဲများမှ ရဲဘော်များနှင့် ယခုရက်ပိုင်းလိုက်လံတွေ့ဆုံနေပြီး ဇွန်လ ၁၂ရက်တွင် မြိတ်ခရိုင်တပ်ရင်း(၂) ရှေ့တန်းရဲဘော်များနှင့် ဆွေးနွေးခဲ့ကြသည်။တနင်္သာရီတိုင်းအတွင်း ထား၀ယ်၊ တနင်္သာရီ၊ ပုလောမြို့နယ်တို့တွင် ယခုရက်ပိုင်း တိုက်ပွဲများဖြစ်နေပြီး စစ်ရေးတင်းမာနေကြောင်းသတင်းရရှိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)