မြို့ပြတော်လှန်ရေးလှုပ်ရှားမှုများအတွက် အကြီးမားဆုံးစိန်ခေါ်မှုသည် CCTV မှတ်တမ်းများ ဖြစ်ကြောင်း၊ CCTV ဟုဆိုသည့်အခါ စစ်ကောင်စီဘက်က တပ်ဆင်ထားသည့် CCTVနှင့် ပြည်သူလူထုဘက်က တပ်ဆင်ထားသည့် CCTV ဟူ၍ နှစ်မျိုးတွေ့ရှိရကြောင်းနှင့် ပြည်သူများအနေဖြင့် အသက်၊ အိုးအိမ်၊ ပိုင်ဆိုင်မှု စသည့် လုံခြုံရေးလိုအပ်ချက်များအရ CCTV များတပ်ဆင်ထားရခြင်းကို မြို့ပြတော်လှန်ရေးအင်အားစုများအနေဖြင့် နားလည်သိရှိပြီး ဖြစ်ကြောင်း ရေဘဝဲအဖွဲ့က ဆိုသည်။
သို့သော် တပ်ဆင်ထားပြီးသား CCTV များကို လမ်းမ၊ လမ်းကွေ့၊ လမ်းထိပ်များဘက်သို့ ဦးတည်မျက်နှာမူထားခြင်းမှ လုံးဝရှောင်ရှားရန်နှင့် မိမိနေထိုင်ရာ (သို့) မိမိဆိုင်ခန်းများရှိရာ ရပ်ကွက်၊ မြို့နယ်အတွင်း နွေဦးတော်လှန်ရေးလှုပ်ရှားမှု ပြုလုပ်သွားသည့် သတင်းကြားလျှင်ကြားခြင်း CCTV Record မှတ်တမ်းများကို ဂရုပြု ရှင်းလင်းပေးကြရန်လည်း ရေဘဝဲအဖွဲ့က မေတ္တာရပ်ခံတိုက်တွန်းခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)