စစ်ကောင်စီ၏ အလယ်ပိုင်းတိုင်းစစ်ဌာနချုပ်မန္တလေးမြို့နန်းတွင်းအပါအဝင် စစ်ရေးပစ်မှတ် နှစ်ခုကို (၈၀)မမ လက်လုပ်ဖြင့်တိုက်ခိုက်ခဲ့ကြောင်း No More Dictatorship People Defence Force – NMD မှတာဝန်ရှိသူက ပြောသည်။
ဩဂုတ် ၁ရက် နံနက် ၄ နာရီခွဲခန့်တွင် မန္တလေးမြို့ ၆၆လမ်း ၊ ၁၄ လမ်းထောင့်မှ မန္တလေးမြို့နန်းတွင်းသို့ (၈၀) မမလက်လုပ်ဖြင့် ပစ်ခတ်ခဲ့ပြီး အမရပူရမြို့ ကွက်သစ်ရှိ သံလမ်းအနီးမှ ပလစ ထောက်လှမ်းရေး(၁၆)ကိုလည်း ပစ်ခတ်ခဲ့ကြောင်း ၎င်းက ဆိုသည်။
“လက်လုပ်ဆိုတော့ ချို့ယွင်းတာတော့ရှိတယ်။ ရှိတာနဲ့ Missionဖော်ဆောင်ရတာပါပဲ” ဟု ၎င်းက ပြောသည်။
![(၂၀၂၀ ခုနှစ် နိုဝင်ဘာ ၈ ရက်မှာ ကျင်းပသည့် ရွေးကောက်ပွဲတွင် မန္တလေးနန်းတွင်း တပ်မဲရုံအတွင်း တပ်မတော်မိသားစုများ မဲပေးနေသည့် မြင်ကွင်း။ လပခ နှင့် လပခ တည်ရှိရာ မနာတလေးကျုံး၊နန်းတော် အနီးဝန်းကျင်တို့ကို Google Map တွင်တွေ့ရမှု)](https://i0.wp.com/www.ludunwayoo.com/wp-content/uploads/2023/08/364110294_624328629765933_7708088785304440720_n.jpg?resize=727%2C993&ssl=1)
ပစ္စည်း ချို့ယွင်းမှုရှိခဲ့သောကြောင့် တစ်နေရာကို အဖူးတစ်ဖူးစီဖြင့်သာ ပစ်ခတ်ခဲ့ရပြီး စစ်ဆင်ရေးလုပ်ဆောင်သည့် ရဲဘော်များ၏ လုံခြုံရေးအရ (၈၀)မမပြောင်းများနှင့် အဖူးများကို မယူဆောင်နိုင်ခဲ့သောကြောင့် စစ်ဆင်ရေးလုပ်ဆောင်သည့်နေရာကို ရှောင်ရှားနိုင်ရန် ယင်းအဖွဲ့က ထုတ်ပြန်ထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
စစ်ဆင်ရေးနှင့်ပတ်သက်သည့် အထိအခိုက်စာရင်းကို စစ်ကောင်စီဘက်မှ သတင်းဖုံးထားသောကြောင့် အတိအကျစုံစမ်း၍ မရသေးကြောင်း အထက်ပါတာဝန်ရှိသူက ဆိုသည်။
“လိုအပ်ချက်ကတော့ လက်နတ်ခဲယမ်းနဲ့ ပြည်သူလူထု ဒီထက်မက ပိုမိုပူးပေါင်းဖို့ပါပဲဗျာ။ လက်နက်ခဲယမ်းကတော့ အဓိကလိုတာပေါ့ဗျာ”ဟု ယင်းတာဝန်ရှိသူက ပြောသည်။
ဇွန်လ ၂၆ ရက်ကလည်း ‘တိမ်ပျံစစ်ဆင်ရေး’အဖြစ် မန္တလေးနန်းတွင်းရှိ စစ်ကောင်စီတပ်ကို GZP(Mandalay)နှင့် Peacock Warrior Force(မတ္တရာ)အဖွဲ့တို့ပူးပေါင်းပြီး နည်းပညာမြင့်ပစ္စည်းများအသုံးပြု၍ နှစ်ကြိမ်တိုက်ခိုက်ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)