စစ်ကိုင်းတိုင်း၊ ဆားလင်းကြီးမြို့နယ်ရှိ စစ်ရှောင်ပြည်သူများအား ဒေသတွင်းသပိတ်အင်အားစုနှင့် လူမှုအဖွဲ့အစည်းတစ်ခုက စားနပ်ရိက္ခာများ လှူဒါန်းပေးခဲ့သည်။
သြဂုတ် ၁၆ ရက်က ဆားလင်းကြီးမြို့နယ်ရှိ စစ်ကောင်စီ မီးရှို့ဖျက်ဆီး၍ လနှင့်ချီရှောင်နေရသော ပြည်သူများအား ဆန်နှင့်အသားတုများ လှူဒါန်းပေးခဲ့ကြောင်း ချင်းတွင်းမြစ်ကမ်းဘေး သပိတ်စစ်ကြောင်းမှ ကိုအောင်ခန့်ဇော်က ပြောသည်။
“ဆန်၊ ဆီ အခြားဘာညာကုန်စျေးတက်တော့ မလွယ်ဘူး။ ဝယ်တာကတော့ အဆင်ပြေနေပါသေးတယ်။”ဟု ကိုအောင်ခန့်ဇော်က ပြောသည်။
အလားတူ အညာပစ်တိုင်းထောင်လေးများအဖွဲ့ကလည်း တစ်အိမ်ထောင်လျှင် ကျပ်နှစ်သောင်းနှုန်းကုန်ကျသည့် ဆန်နှင့် အိမ်သုံးပစ္စည်းများအား အိမ်ထောင်စု ၁၀၄ စုအတွက်ထောက်ပံ့ခဲ့ကြောင်း၊ ထို့အပြင် ထမင်းကျွေးသည့်အစီအစဥ်ပေါင်း ၅၀ ကျော် ပြုလုပ်ခဲ့ကြောင်း ၎င်းအဖွဲ့က ထုတ်ပြန်ထားသည်။
အများပြည်သူ လှူဒါန်းမှုများဖြင့် ပြန်လည်ခွဲဝေလှူဒါန်းပေးခြင်းဖြစ်ပြီး လှူဒါန်းလိုပါကချင်းတွင်းမြစ်ကမ်းဘေး သပိတ်စစ်ကြောင်းhttps://www.facebook.com/profile.php?id=100083341327511 အညာပစ်တိုင်းထောင်လေးများ https://www.facebook.com/profile.php?id=100087916585581 စာမျက်နှာများမှတဆင့် ဆက်သွယ်နိုင်ကြောင်း အသိပေးထားသည်။
ဆားလင်းကြီးမြို့နယ်၊ ဝမ်ပေါင်ကြေးနီစီမံကိန်း၌ တပ်စွဲနေသော စစ်ကောင်စီတပ်သည် အနီးပတ်ဝန်းကျင်ရှိရွာများအား မကြာခဏ စစ်ကြောင်းထိုးဖျက်ဆီးနေ၍ ကျေးရွာအများအပြား ထွက်ပြေးတိမ်းရှောင်နေရသည်။
