မွန်ပြည်နယ်၊ သိမ်ဇရပ်မြို့နယ်အတွင်း နယ်မြေစိုးမိုးရေးနှင့် စစ်ဆေးရေးလုပ်ငန်းများ ဆောင်ရွက်ခဲ့ကြောင်း ကျိုက်ထိုတော်လှန်ရေးအင်အားစု တာဝန်ရှိသူက ပြောသည်။
ယမန်နေ့ (သြဂုတ် ၁၈ရက်)နံနက် ၇ နာရီခန့်ကစ၍ နံနက် ၁၁နာရီခန့်အထိ သိမ်ဇရပ်မြို့အနီးရှိ ကမ်းနီ တိုးဂိတ်၊ ပုဂံဘုရား၊ သထုံစု၊ ကျောက်ကလပ်၊ ပေရှစ်ဆယ်၊ သိမ်ဇရပ်မြို့အဝင်တို့တွင် စစ်ဆေးရေးဆောင်ရွက်ခဲ့သည်ဟု ဆိုသည်။
![(KNLA ပူးပေါင်းတပ်မှ ရဲဘော်များ စစ်ဆေးရေးပြုလုပ်နေစဉ်။ ဓာတ်ပုံ - KRF)](https://i0.wp.com/www.ludunwayoo.com/wp-content/uploads/2023/08/368322816_633093585556104_1897755050941689825_n.jpg?resize=880%2C663&ssl=1)
![(KNLA ပူးပေါင်းတပ်မှ ရဲဘော်များ စစ်ဆေးရေးပြုလုပ်နေစဉ်။ ဓာတ်ပုံ - KRF)](https://i0.wp.com/www.ludunwayoo.com/wp-content/uploads/2023/08/368329724_633093625556100_6189387107426745050_n.jpg?resize=880%2C663&ssl=1)
![(KNLA ပူးပေါင်းတပ်မှ ရဲဘော်များ စစ်ဆေးရေးပြုလုပ်နေစဉ်။ ဓာတ်ပုံ - KRF)](https://i0.wp.com/www.ludunwayoo.com/wp-content/uploads/2023/08/368297803_633093618889434_705508071836062841_n.jpg?resize=880%2C663&ssl=1)
![(KNLA ပူးပေါင်းတပ်မှ ရဲဘော်များ စစ်ဆေးရေးပြုလုပ်နေစဉ်။ ဓာတ်ပုံ - KRF)](https://i0.wp.com/www.ludunwayoo.com/wp-content/uploads/2023/08/368308242_633093592222770_6316180025165916279_n.jpg?resize=880%2C663&ssl=1)
“စစ်ဆေးမှုကို ပြည်သူတွေ တကယ်စိတ်ရင်းနဲ့ ပူးပေါင်း ပါဝင်ခဲ့တယ်။ပြီးတော့ ပြည်သူတွေပေးတဲ့ အစားအသောက်တွေက စခန်းကို ပြန်မသယ်နိုင်အောင်များ ပြားလွန်ခဲ့တယ်။စစ်ဆေးမှုအတွင်းမှာတော့ ထူးထူးခြားခြား မရှိခဲ့ပါဘူး”ဟု KRF တာဝန်ရှိသူက လူထုနွေဦးသို့ ပြောသည်။
ထို့အတူ ပြည်သူများ၏ဝမ်းပန်းတသာ နွေးထွေးစွာဖြင့်ကြိုဆိုသောအပြုံးများအား မြင်တွေ့ရသောကြောင့် အလွန်ပင်ကျေနပ်ပျော်ရွှင်ရကြောင်းလည်း အသိပေးသည်။
သိမ်ဇရပ်မြို့အနီး နယ်မြေစိုးမိုးရေးလုပ်ငန်းကို KNU/KNLA၊ KRF၊ ABSDF၊ ဝံပလွေနက်စစ်ကြောင်းအဖွဲ့နှင့် ကျိုက်ထို(ပကဖ)တို့ပူးပေါင်း ဆောင်ရွက်ခဲ့ကြောင်းလည်း KRF၏ ထုတ်ပြန်ချက်၌ ဖော်ပြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)