မန္တလေး က နာမည်ကျော် ဦးပိန်တံတား ဒီနေ့ နေ့ခင်းပိုင်းက လာရောက်လည်ပတ်သူများပြားချိန် ကျိုးကျသွားလို့ ထိခိုက်ဒဏ်ရာရသူတွေရှိနေပါတယ်။
ဒီနေ့ သီတင်းကျွတ်လပြည့်နေ့မှာ ဦးပိန်တံတားဆီ လာရောက်လည်ပတ်သူတွေ နဲ့စည်ကားခဲ့ပြီး နေ့ခင်း ၂ နာရီ အချိန်မှာ တံတားအရှေ့ဘက်ခြမ်း ကျိုးကျသွားတာပါ။
“လူကတအားများတော့ တံတားက ယိုင်နေတာ ” လို့ ဦးပိန်တံတားဆီ သွားရောက်လည်ပတ်ခဲ့သူတစ်ဦးက ပြောပြပါတယ်။
တံတားကျိုးကျချိန်မှာ တံတားပေါ်ကနေ လူ ၂၀ ထက်မနည်း ရေထဲပြုတ်ကျခဲ့ပြီး အသေအပျောက်မရှိပေမယ့် ထိခိုက်ဒဏ်ရာရသူတွေ ရှိနေပါတယ်။
လက်ရှိမှာတော့ တံတား ကို ဖြတ်သန်းသွားလာခွင့် ပိတ်ထားတယ်လို့သိရပါတယ်။
Public Service Announcement
