နိုင်ပကောင်း/ People’s Spring
မြဝတီမြို့ကို သိမ်းယူဖို့မြို့စောင့်တပ်ကို KNU ဦးစီးတဲ့ ပူးပေါင်းတပ်က ဝင်တိုက်ရာမှာ မနေ့ည တစ်ညလုံးနီးပါး တိုက်ပွဲဖြစ်ပွားခဲ့ပြီး ဒီမနက်ပိုင်းမှာ လည်း တိုက်ပွဲဆက်ဖြစ်နေတယ်လို့ မြေပြင်ရှိ စစ်ရေးသတင်းရင်းမြစ်နဲ့ မြို့ခံ သတင်းရင်းမြစ် တို့ရဲ့ ပြောပြချက်အရသိရပါတယ်။
Public Service Announcement
မြဝတီမြို့ပြင် မှာ ရှိတဲ့ မြို့စောင့်တပ် ခလရ ၂၇၅ အနီးမှာ မနေ့ညပိုင်းက ပစ်ခတ်သံတွေကို မြို့ထဲကနေ တစ်ညလုံးနီးပါး ကြားနေရတယ်လို့ အသက် ၃၄ နှစ်အရွယ်မြို့ခံအမျိုးသားက ပြောပြပါတယ်။
” အသံတွေက အကျယ်ကြီးပဲ” လို့ အဲဒီမြဝတီမြို့ခံအမျိုးသား ဆိုပါတယ်။ မြို့အတွင်းပိုင်းထိတော့ ဒီမနက်ပိုင်းအထိ တိုက်ပွဲဖြစ်တာမျိုးမရှိသေးဘူးလိုသိရပါတယ်။
တိုက်ပွဲဖြစ်ရာ ခလရ ၂၇၅ နဲ့ မြဝတီမြို့တွင်းဟာ ၅ မိုင်ခန့်ဝေးပါတယ်။
ပစ်ခတ်မှုတွေကြောင့် ခလရ ၂၇၅ အနီး မှာနေထိုင်ကြတဲ့ ဒေသခံတွေဘေးလွတ်ရာကိုထွက်ပြေးနေကြရပါတယ်။
Public Service Announcement
စစ်ကောင်စီလေတပ်ဟာ ခလရ ၂၇၅ အနီးက အေးသုခ ရွာထဲကို ဒီမနက်ပိုင်းမှာ လေကြောင်းကနေ ပစ်ခတ်တိုက်ခိုက်တာတွေပြုလုပ်ခဲ့တယ်လို့သိရပါတယ်။
ထိုင်းမီဒီယာ The Reporters ကလည်း မြဝတီဖက်ကနေ ပေါက်ကွဲသံတွေ ၊ပစ်ခတ်သံတွေ ကို မဲဆောက်ကနေ အဆက်မပြတ်ကြားနေရတယ်လို့ ဖော်ပြပါတယ်။
မြဝတီဘက်မှာ တိုက်ပွဲတွေ ဖြစ်နေပေမယ့် မြဝတီ − မဲဆောက် နယ်စပ်ဂိတ်ကို ပုံမှန်အတိုင်းဖွင့်လှစ်ပေးထားပြီး ထိုင်းဘက်ကို ၇ ရက်နေထိုင်ခွင့်နဲ့တိမ်းရှောင်လာသူ တွေရှိနေတယ်လို့ ထိုင်းမီဒီယာရဲ့ဖော်ပြချက်အရသိရပါတယ်။
မြန်မာဘက်က စစ်ရေးအခြေအနေကြောင့် မဲဆောက်မြို့မှာတော့ ထိုင်းစစ်တပ်က နယ်စပ်တလျောက် နေရာယူထားတာ ၊ ကင်းလှည့်တာတွေ ကို ထိုင်းမီဒီယာတွေရဲ့ဖော်ပြချက်မှာ တွေ့ရပါတယ်။
ထိုင်း − မြန်မာ နယ်စပ်ကုန်သွယ်ရေးမှာအချက်အချာကျတဲ့ မြဝတီမြို့ကို သိမ်းဖို့အတွက် မြို့စောင့်တပ် ကို မနေ့ နေ့လယ်ပိုင်းကစတင်ပြီး KNU ဦးစီးတဲ့ ပူးပေါင်းတပ်က တိုက်ခိုက်ခဲ့တာပါ။
မြဝတီမြို့မှာတော့ ဌာဆိုင်ရာရုံးတွေ ၊ဘဏ်တွေ ပိတ်ထားရသလို စစ်ကောင်စီရဲ့အုပ်ချုပ်ရေးယန္တယား လည်းရပ်ဆိုင်းသွားပြီလို့သိရပါတယ်။
မနေ့ကစပြီး မြို့တွင်းမှာ ကရင့်နယ်ခြားစောင့်တပ် အသွင်ပြောင်း(KNA ) တပ်ဖွဲ့ဝင်တွေက လုံခြုံရေးကင်းလှည့်တာတွေ ရှိခဲ့ပါတယ်။
ဒီမနက်မှာတော့ စစ်ကောင်စီတပ်ရဲ့ သံချပ်ကာကားတွေပါတဲ့ စစ်ကြောင်းဟာ ဘားအံကိုဖြတ်လာနေပြီး အဲဒီစစ်ကြောင်းဟာမြဝတီဘက်ကို စစ်ကူပေးလာနိုင်တယ်လို့ စစ်ရေး သတင်းရင်းမြစ်က ပြောပါတယ်။
