ဟန်နွေ/People’s Spring
ချင်းပြည်နယ် မတူပီမြို့သိမ်းတိုက်ပွဲအတွင်း စစ်ကောင်စီထံမှ လက်နက်ခဲယမ်းများစွာ ရှရိခဲ့ကြောင်း ချင်းညီနောင်အဖွဲ့ဝင် ချင်းဒေသကာကွယ်ရေးတပ်ဖွဲ့များက သတင်းထုတ်ပြန်ထားသည်။
ချင်းညီနောင်နှင့် အာရက္ခတပ်တော်(AA)ပါဝင်သည့် မဟာမိတ်ပူးပေါင်းတပ်သည် မတူပီ မြိုကို ဇွန်လ ၂၉ရက်တွင် အပြီးသတ် သိမ်းယူနိုင်ခဲ့ခြင်းဖြစ်သည်။
![(မတူပီမြို့သိမ်းတိုက်ပွဲအတွင်း သိမ်းဆည်းရရှိသော လက်နက်ခဲယမ်းများ။ ဓာတ်ပုံ - PDF Zoland)](https://i0.wp.com/www.ludunwayoo.com/wp-content/uploads/2024/07/449683273_808468321351962_1911854685157867957_n.jpg?resize=880%2C880&ssl=1)
အဆိုပါ မြို့သိမ်းတိုက်ပွဲအတွင်း မတူပီ အခြေစိုက် ခမရ(၃၀၄)တပ်ကို ဇွန်လ ၁၇ရက်တွင်လည်းကောင်း၊ မတူပီ ဗျူဟာနှင့် ခလရ (၁၄၀)တပ်ရင်းကို ဇွန်လ ၂၉ရက်တွင်လည်းကောင်း သိမ်းရခဲ့ခြင်းဖြစ်သည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
အဆိုပါတိုက်ပွဲများအတွင်း နှစ်ဖက် ထိခိုက်ကျဆုံး မှုရှိခဲ့ပြီး အရေအတွက်ထုတ်ပြန်ခြင်းမရှိပေ။
ထို့ပြင် ယခုရရှိခဲ့သည့် လက်နက်ခဲယမ်း အရေအတွက်များကိုလည်း ဖော်ပြထားခြင်းမရှိသေးပေ။
![(မတူပီမြို့သိမ်းတိုက်ပွဲအတွင်း သိမ်းဆည်းရရှိသော လက်နက်ခဲယမ်းများ။ ဓာတ်ပုံ - PDF Zoland)](https://i0.wp.com/www.ludunwayoo.com/wp-content/uploads/2024/07/449637521_808468451351949_1599796102468376384_n.jpg?resize=880%2C800&ssl=1)
စစ်ကောင်စီ၏ မတူပီအခြေစိုက်ဗျူဟာနှင့် ခမရ(၃၀၄)၊ ခလရ(၁၄၀)တို့မှ ဟောင်ဝပ်ဇာအမြောက်၊ 14.5 ZPU လေယာဉ်ပစ်စက်သေနတ်ကြီးနှစ်လက်၊ အခြားလက်နက်ကြီး လက်နက်ငယ်များနှင့်အတူ ခဲယမ်းမီးကျောက်အမြောက်အများသိမ်းဆည်းရရှိခဲ့ကြောင်း ချင်းညီနောင် အဖွဲ့ဝင် PDF Zoland ကဓါတ်ပုံနှင့်တကွထုတ်ပြန်လိုက်သည်။
ဖော်ပြရန် ကျန်ရှိနေသေးသည့် လက်နက်ခဲယမ်းများကိုလည်း ထပ်မံ ကြေညာသွားမည်ဟုလည်း ချင်းညီနောင်က အသိပေးသည်။
![(မတူပီမြို့သိမ်းတိုက်ပွဲအတွင်း သိမ်းဆည်းရရှိသော လက်နက်ခဲယမ်းများ။ ဓာတ်ပုံ - PDF Zoland)](https://i0.wp.com/www.ludunwayoo.com/wp-content/uploads/2024/07/449519590_808468418018619_6089229102940440028_n.jpg?resize=880%2C773&ssl=1)
ချင်းညီနောင်နှင့် မဟာမိတ်တပ်များသည် ယခု ၂၀၂၄အတွင်း ချင်းပြည်နယ်မှ စစ်ကောင်စီတပ်စခန်းများကို သိမ်းပိုက်နိုင်အောင် ဆောင်ရွက်သွားမည်ဖြစ်ကြောင်း အသိပေးကာ ယခု ကျန်နေသည့် စစ်ကောင်စီ တပ်များကို ဆက်လက်တိုက်ခိုက်မည်ဟု အသိပေးထားသည်။ အဆိုပါ ပူးပေါင်းတပ်သည် ကျင်ဒွေးမြို့ ကိုလည်း သိမ်းပိုက်ထားပြီးဖြစ်သည်။
![(မတူပီမြို့သိမ်းတိုက်ပွဲအတွင်း သိမ်းဆည်းရရှိသော လက်နက်ခဲယမ်းများ။ ဓာတ်ပုံ - PDF Zoland)](https://i0.wp.com/www.ludunwayoo.com/wp-content/uploads/2024/07/449683589_808468354685292_3547645995096919661_n.jpg?resize=880%2C778&ssl=1)
ချင်းညီနောင်၏ မတူပီမြို့သိမ်းတိုက်ပွဲအတွင်း ချင်းတော်လှန်ရေးတပ်ဖြစ်သည့် ချင်းပြည် ကောင်စီတပ်ပေါင်းစုနှင့် အချင်းချင်း တိုက်ပွဲဖြစ်ပွားမှုရှိခဲ့ရာ ယင်းပြဿနာများကို ပြေလည် အောင် ဆွေးနွေးဖြေရှင်းကြရန်လည်း ချင်းပြည်သူများက တိုက်တွန်းထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)