ဇေအောင်/People’s Spring
မန္တလေးတိုင်း၊ မြင်းခြံ – တောင်သာလမ်းပိုင်းရှိ နန်းမြင့်တောင်တိုးဂိတ်စခန်းမှ စစ်ကောင်စီတပ်သားများ စခန်းစွန့်ထွက်ပြေးသွားပြီး စခန်းအားမီးရှို့ဖျက်ဆီးခဲ့ကြောင်း တောင်သာမြို့နယ် ပြည်သူ့ကာကွယ်ရေးတပ်ဖွဲ့၏ ပြန်ကြားရေးတာဝန်ခံက ပြောသည်။
“ဟိုနေ့(သြဂုတ်၁၂ရက်)ကတည်းက ဆုတ်သွားတာ။ စခန်းကို မီးရှို့ခဲ့လိုက်တယ်။”ဟု တောင်သာပကဖ၏ ပြန်ကြားရေးတာဝန်ခံက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
![](https://i0.wp.com/www.ludunwayoo.com/wp-content/uploads/2024/08/455025269_834093515456109_3189622783255913344_n.jpg?resize=720%2C540&ssl=1)
နန်းမြင့်တောင် စစ်ဆေးရေးဂိတ်သည် အစစ်အဆေးကြမ်းတမ်းပြီး ပြည်သူများအား ဖမ်းဆီးငွေညှစ်လေ့ရှိသည့်ဂိတ်ဖြစ်ကြောင်း ဒေသခံများက ပြောသည်။
သြဂုတ် ၁ဝရက် နံနက်ကစတင်ခဲ့သည့် မြင်းခြံခရိုင် အထူးစစ်ဆင်ရေး Myingyan District Special Operation (MDSO)အဖြစ် နွားထိုးကြီး၊ တောင်သာနှင့် မြင်းခြံမြို့များတွင် စစ်ဆင်ရေးများပြုလုပ်ခဲ့သည်။
တောင်သာမြို့နယ်တွင် သြဂုတ် ၁၀ရက်က ဝဲလောင်ရွာဓာတ်အားခွဲရုံစခန်းတိုက်ခိုက်မှုအတွင်း စစ်အုပ်စုဝင် ၆ ဦး သေဆုံးပြီး ၅ ဦးပျောက်ဆုံးကာ သေနတ် ၃လက်နှင့် ခဲယမ်းများ သိမ်းဆည်းရမိသည်။
![](https://i0.wp.com/www.ludunwayoo.com/wp-content/uploads/2024/08/455283755_834093942122733_3184334826480552890_n.jpg?resize=643%2C1080&ssl=1)
သြဂုတ်၁၂ရက်က တောင်သာမြို့နယ်ရှိ စစ် ကောင်စီစခန်း ၄ နေရာ တိုက်ခိုက်မှုတွင် ဓာတ်ငွေ့ပိုက်လိုင်းစခန်းနှင့် စွပ်ကျယ်စက်ရုံစခန်းမှ စစ်ကောင်စီတပ်သားများ စခန်းစွန့်ထွက်ပြေးသွားပြီး တောင်သာမြို့အား စစ်ကူလာနိုင်မည့်လမ်းကြောင်းအား PDFပူးပေါင်းတပ်များက ပိတ်ဆို့ထားသည်။
မြင်းခြံခရိုင် အထူးစစ်ဆင်ရေးကြောင့် မြင်းခြံ၊ နွားထိုးကြီး၊ တောင်သာမြို့များရှိ စစ်ကောင်စီ၏ Non CDM ဝန်ထမ်းများ မြို့ပေါ်မှတိမ်းရှောင် သွားပြီဖြစ်ပြီး စစ်ကောင်စီယန္တရား ရပ်ဆိုင်းသွားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)