close
Connect with us

Hi, what are you looking for?

သတင်း

ကချင်ပြည်နယ်ကြံ့ဖွံ့ပါတီရုံးပတ်လည်၌ကတုတ်ကျင်းတူးပြီးမိုင်းထောင်နေ

ကချင်ပြည်နယ်၊ မြစ်ကြီးနားမြို့တွင် ရွေးကောက်ပွဲလုပ်ရန်ကြိုးပမ်းနေသည့် စစ်ကောင်စီက မြို့ပေါ်ရပ်ကွက်ရှိ ကြံခိုင်ရေး ပါတီရုံးပတ်ချာလည်ကို ကတုတ်ကျင်းများတူးပြီး မိုင်းများထောင်နေကြောင်း သတင်းရရှိသည်။

ကချင်ပြည်နယ် ကြံခိုင်ရေးပါတီမှ မြစ်ကြီးနား မြို့နယ်၊ခရိုင်၊ ပြည်နယ် တွေ့ဆုံနေသည်ကို ဩဂုတ် ၂ရက်က တွေ့ရစဉ်။ ဓာတ်ပုံ - USDP

ဩဂုတ်-၃၁၊၂၀၂၅။ဇော်ရမ်း/People’s Spring

ကချင်ပြည်နယ်၊ မြစ်ကြီးနားမြို့တွင် ရွေးကောက်ပွဲလုပ်ရန်ကြိုးပမ်းနေသည့် စစ်ကောင်စီက မြို့ပေါ်ရပ်ကွက်ရှိ ကြံခိုင်ရေး ပါတီရုံးပတ်ချာလည်ကို ကတုတ်ကျင်းများတူးပြီး မိုင်းများထောင်နေကြောင်း သတင်းရရှိသည်။

မြစ်ကြီးနားမြို့ ကြက်ပေါင်ခြံရပ်ကွက်ရှိ ကြံခိုင်ရေး ပါတီရုံးပတ်ချာလည် လမ်းကို မိုင်းများထောင်နေပြီး ဒေသခံများသွားလာမှုကို ကန့်သတ်နေ သည်ဟု မြို့ခံတစ်ဦးက ပြောသည်။

” ပြည်နယ်ကြံ့ဖွတ်ရုံးပတ်ချာလည်မှာမိုင်းတွေထောင်တယ်၊ကတုတ် ကျင်းတွေ တူးတယ်၊ ဂေါက်ကွင်းဘက်သွားတဲ့လမ်း‌ကိုလည်း မလာဖို့ ဟန့်တားတယ်၊ မိုင်းရှိသည်ဆိုတဲ့သတိပေးချက် တွေလည်း ရေးထားတယ်၊ ဒီလိုပုံနဲ့ရွေးကောက်ပွဲလုပ်မယ်ဆိုတော့ မြို့မှာတော့ဟာသဖြစ်နေတယ်”ဟု မြစ်ကြီးနားမြို့ခံတဦးက ပြောသည်။

Public Service Announcement

Public Service Announcement

ဖြတ်သွားဖြတ်လာလုပ်၍ ပေါက်ကွဲပြီးထိခိုက်ပါပါက လျော်ကြေးပေးမည်မဟုတ်သည့်အပြင် မိုင်းတန်ဖိုးပါ ပြန် လျော်ရမည်ဟု သတင်းလွှင့်ထားကြောင်း နောက်ထပ်မြို့ခံတစ်ဦးကပြောသည်။

မြို့နယ် ၁၀၂ခုတွင် ရွေးကောက်ပွဲအပိုင်းလိုက် ပြုလုပ်မည်ဟု ကြေညာထားသည့်စစ်ကောင်စီက မြစ်ကြီးနားမြို့အပါအဝင် ကချင်ပြည်နယ်မှမြို့နယ်၁၈ခု၌ ရွေး‌ကောက်ပွဲလုပ်မည်ဟုဆိုထားသည်။

အဆိုပါ၁၈မြို့နယ်တွင် ကချင်လွတ်လပ်ရေးတပ်မတော်(KIA)ထိန်းချုပ်မြို့နယ် ခြောက်ခုပါဝင်နေသည်။ KIO/KIA ထိန်းချုပ်နယ်မြေများတွင် မဲပုံးထောင်ခွင့် ပြုမည်မဟုတ်ကြောင်း KIA ပြန်ကြားရေးတာဝန်ခံ ဗိုလ်မှူးကြီးနော်ဘူပြောထားသည်။

လက်ရှိတွင် မြစ်ကြီးနားမြို့ပေါ်၌ တိုက်ပွဲမဖြစ်သော်လည်း နယ်မြေချင်းဆက်စပ်နေသောဝိုင်းမော်မြို့တွင် စစ်ကောင်စီကလေကြောင်းအင်အားသုံးရသည့်အထိ တိုက်ပွဲဖြစ်ပွားနေသည်။

ထို့အပြင် မြစ်ကြီးနားမြို့ပေါ်တွင် စစ်ကောင်စီက လက်နက်ကြီးပစ်ခတ်မှုများရှိနေပြီး ဩဂုတ် ၂၄ရက်ညက မြောက်ပိုင်းတိုင်းစစ်ဌာနချုပ်မှ လက်နက်ကြီးပစ်ခတ်ရာ ရမ်ပူရပ်ကွက်အတွင်းကျရောက်ပေါက်ကွဲပြီး ကလေးတစ်ဦး သေဆုံးခဲ့သည်။

ဆက်စပ်သတင်းများ

သတင်း

အာဏာသိမ်းစစ်ကောင်စီ ဦးဆောင်ကျင်းပမည့် ရွေးကောက်ပွဲ ကူညီပံ့ပိုး ပူးပေါင်းပါဝင်သူများအားအရေးယူမည်ဟုကရင်အမျိုးသားအစည်းအရုံး (KNU) ဒူးပလာယာ ခရိုင်၊ အမှတ် (၆)တပ်မဟာ ကြေညာချက်ထုတ် ပြန်သည်။

သတင်း

ပဲခူးတိုင်း၊ မင်းလှမြို့မှာရှိတဲ့ ပြည်ထောင်စုကြံ့ခိုင်ရေးနှင့် ဖွံံ့ဖြိုးရေးပါတီရုံးမှာ အစောင့်ချထားတဲ့ စစ်ကောင်စီတပ်သားတွေကို မိုင်းတစ်လုံးနဲ့ ဖောက်ခွဲတိုက်ခိုက်ခဲ့တယ်လို့ မြေအောက်ပြောက်ကျားတပ်ဖွဲ့-အုတ်ဖို မှ တာဝန်ရှိသူတစ်ဦးက ပြောပါတယ်။

သတင်း

စစ်ကိုင်းနဲ့ တနင်္သာရီတိုင်းအတွင်း သပိတ်အဖွဲ့တွေ၊ ဒေသခံပြည်သူတွေက ဒီကနေ့ (သြဂုတ် ၂၈)မှာ စစ်အာဏာရှင်စနစ်နဲ့ စစ်ကောင်စီရဲ့တရားမဝင်ရွေးကောက်ပွဲကိုဆန့်ကျင်ဖို့ သပိတ်လှုပ်ရှားမှုတွေ အသီးသီး ပြုလုပ်ခဲ့ကြပါတယ်။

သတင်း

ကရင်ပြည်နယ်၊ လှိုင်းဘွဲ ၊ ကော့ကရိတ် ၊ဘားအံမြို့ပေါ်က ရပ်ကွက်တွေနဲ့ ကျေးရွာတွေမှာ စစ်ကောင်စီက ဒေသခံလူထုတွေကိုဆင့်ခေါ်ပြီး မဲပေးစက်သုံးပြီး မဲပေးနည်း ကိုသင်ကြားပြသတာတွေ ဆက်တိုက်လုပ်ဆောင်နေတယ်လို့ ဒေသခံတွေဆီကနေ သိရပါတယ်။

Facebook