စက်တင်ဘာ-၂၊၂၀၂၅။သုည/People’s Spring
မြန်မာ့စပါးအုံးဟုနာမည်ကျော်သည့်အောင်လအန်ဆန်နှင့်ဆွီဒင်ဖိုက်တာ ကာဒက်စတန်တို့လာမည့်အောက်တိုဘာ၃ရက်တွင်ထိုင်းနိုင်ငံ၊ဘန်ကောက်မြို့၌ ယှဥ်ပြိုင်ထိုးသတ်မည်ဖြစ်ကြောင်း One Championship က ယနေ့ (စက်တင်ဘာ ၂ရက်) ထုတ်ပြန်သည်။
အဆိုပါ One Fight Night 36 ပြိုင်ပွဲကို ဘန်ကောက်မြို့တွင် ကျင်းပမည်ဖြစ်ပြီး အောင်လအန်ဆန်နှင့် ကာဒက်စတန်တို့က မစ်ဒယ်ဝိတ်တန်း စိန်ခေါ်ပွဲအဖြစ် ယှဥ်ပြိုင်ထိုးသတ်မည် ဖြစ်သည်။
အောင်လအန်ဆန်နှင့် One Championship တို့ ချုပ်ဆိုထားသည့် စာချုပ်အရ ယင်းပွဲစဥ်သည် အောင်လ၏ ပရော်ဖက်နယ်ဖိုက်တာဘဝ နောက်ဆုံးပွဲစဥ် ဖြစ်လာဖွယ်ရှိသည်။
Public Service Announcement
ကချင်တိုင်းရင်းသား အောင်လအန်ဆန်သည် ပြီးခဲ့သည့် ဖေဖော်ဝါရီ ၂၀ ရက်က ကာတာနိုင်ငံတွင် တူရကီဖိုက်တာ အာဒိုဂန်နှင့် ထိုးသတ်ရာ အလဲထိုးဖြင့် ရှုံးနိမ့်ထားသည်။
အသက်(၃၉)နှစ်အရွယ် အောင်လအန်ဆန်သည် MMA ပြိုင်ပွဲ ၄၄ပွဲ ထိုးသတ်ထားရာ ပွဲ ၃၀နိုင် ၁၄ပွဲ ရှုံးနိမ့်ထားသည်။
အောင်လနှင့် ထိုးသတ်မည့် ပြိုင်ဘက် ကာဒက်စတန်သည် အသက် ၃၄ နှစ်အရွယ် ရှိပြီ ဖြစ်ပြီး MMA ပြိုင်ပွဲ ၂၂ ပွဲထိုးသတ်ရာ ၁၅ ပွဲနိုင် ၇ ပွဲရှုံးနိမ့်ထားသည်။
