close
Connect with us

Hi, what are you looking for?

သတင်း

ရှမ်းမြောက်၌ ကချင်ညီအကိုက ကျားသစ်တ​ကောင်ကိုလုံးထွေးသတ်ပုတ်ပြီးအနိုင်ယူ

ရှမ်းပြည်နယ်မြောက်ပိုင်း၊သိန္နီမြို့နယ်၊နမ့်စလပ်ဒေသခံကချင်တိုင်းရင်း သားညီအကိုနှစ်ဦးက စက်တင်ဘာ ၁ ရက်​နေ့တွင်ကျားသစ်တကောင်ကို လုံးထွေးသတ်ပုတ်အနိုင်ယူခဲ့ပြီး ကျားသစ်သေဆုံးကာ ကချင်ညီအကိုလည်း ဒဏ်ရာရရှိခဲ့​ကြောင်း​ဒေသခံ ကချင်သတင်းရင်းမြစ်က ပြောသည်။

သေဆုံးခဲ့​သောကျားသစ် နှင့် ဒဏ်ရာရခဲ့​သောညီအစ်အကို နှစ်ဦး ဓာတ်ပုံ - CJ ပေးပို့

■ကျားသစ်​သေဆုံးပြီး ညီအကိုလည်းဒဏ်ရာရ

စက်တင်ဘာ-၂၊၂၀၂၅။ထားမြတ်/People’s Spring

ရှမ်းပြည်နယ်မြောက်ပိုင်း၊သိန္နီမြို့နယ်၊နမ့်စလပ်ဒေသခံကချင်တိုင်းရင်း သားညီအကိုနှစ်ဦးက စက်တင်ဘာ ၁ ရက်​နေ့တွင်ကျားသစ်တကောင်ကို လုံးထွေးသတ်ပုတ်အနိုင်ယူခဲ့ပြီး ကျားသစ်သေဆုံးကာ ကချင်ညီအကိုလည်း ဒဏ်ရာရရှိခဲ့​ကြောင်း​ဒေသခံ ကချင်သတင်းရင်းမြစ်က ပြောသည်။

​ဒေသခံကချင်တိုင်းရင်းသားတောလိုက်မုဆိုးများမှာတောလိုက်ရင်း ကျားသစ်နှင့်ရင်ဆိုင်ရပြီးအနိုင်ရခဲ့ကာကျားသစ်အ​သေ၏ ဓါတ်ပုံနှင့်ရုပ်သံမှတ်တမ်းမှာစက်တင်ဘာ ၁ရက်က ​ဒေသတွင်းသတင်းဌာနအချို့နှင့် လူမှုကွန်ရက်တွင် ပြန့်နှံ့လာခဲ့သည်။

Public Service Announcement

Public Service Announcement

“ညီအကိုနှစ်ယောက်ကမုဆိုးဟုတ်တယ်။သူတို့နှစ်ယောက်က သားကောင်လိုက်ရင်းနဲ့တောတွင်းတနေရာမှာ တချက်အရင် သေနတ်နဲ့ပစ်လိုက်တာ။ အဲဒီမှာကျားကဒဏ်ရာရပြီးပြန်ပြီးထွက်ပြေးသွားတာ”ဟုကချင်သတင်းရင်းမြစ်ကဒေသခံမုဆိုတဦးကို​မေးပြီးပြန်ပြောပြသည်။

ထို့နောက်ဒဏ်ရာရကျားသစ်ကိုကချင်ညီအကိုကလိုက်လံရှာဖွေရာ မတွေ့ရှိ၍နားနေစဉ် ကျားသစ် ကပြန်ပေါ်လာပြီး ရန်မူတိုက်ခိုက်လာ၍ လုံး​ထွေးသတ်ပုတ်ခဲ့ကြရခြင်းဖြစ်သည်။

“အဲဒီနေရာမှာကျားနဲ့ ညီအကိုနှစ်ယောက် သူတပြန် ကိုယ်တပြန် ပြန်ပြီးတိုက်ခိုက်ကြတာ။ကျားကို အမှန်တကယ် ထိုးသတ်တာ သူ့ရဲ့အကို။ ကျားကတော့ညီကိုတိုက်လိုက် အကိုကို ပြန်တိုက်လိုက်နဲ့ အဲဒီလိုမျိုး သူတပြန် ကိုယ်တပြန်တိုက်နေတဲ့အချိန်မှာအကိုဖြစ်တဲ့သူကသူရဲ့ဓားမြောင်နဲ့ ကျားကိုပြန်ထိုးတာ။သူ့အကိုလည်းဒဏ်ရာအများကြီးရသွားတယ်။သူ့အကိုလည်းကျားကိုဖိုက်နေတဲ့အချိန်မှာသူ့ညီပစ်လိုက်တဲ့ကျည်ကသူ့အကိုရဲ့ ခြေထောက်မှာတော့ ထိသွားတယ်” ဟု ကချင်သတင်းရင်းမြစ်က ပြောသည်။

အကိုဖြစ်သူကကျားသစ်ကိုဓါးဖြင့်ထိုးသတ်၍ကျားသစ်​သေခဲ့​သော်လည်း ညီဖြစ်သူပစ်၍ ကျည်​ချော်မှန်​သော ​သေနတ်ဒဏ်ရာ​ခြေ​ထောက်၌ရရှိခဲ့သည်။

ညီအစ်ကိုနှစ်ဦးစလုံးတွင်ကျားသစ်ကကုတ်ခြစ်ထား​သောဒဏ်ရာများ ​ခြေ​ထောက်နှင့်လက်တို့တွင် ရခဲ့သည်ကိုPeople’s Spring ရရှိ​သောသတင်းဓါတ်ပုံများတွင်​တွေ့ရသည်။

အဆိုပါ ဖြစ်ရပ်နှင့်ပတ်သက်ပြီးဒေသတွင်းသဘာ၀ပတ်ဝန်းကျင်ထိန်း သိမ်းရေး စိတ်ဝင်စားသူအချို့က ရှားပါးတိရိစ္ဆာန်များကို တောလိုက်ခြင်းမပြုသင့်ဟု ပြောဆိုခဲ့ကြောင်းလည်း သတင်းရင်းမြစ်က ပြောပြသည်။

“ဒေသတွင်းမှာရှိနေတဲ့သဘာ၀ပတ်ဝန်းကျင်ထိန်းသိမ်းရေးမိတ်ဆွေတွေကပြောကြတာတော့ ကျေးရွာတွေမှာ ပြည်သူလူထုကို ရန်ရှာတို့ အဲဒီလိုမျိုးဆိုကျေးရွာကော်မတီကဆွေးနွေးပြီးရှာဖွေပစ်သတ်တာကတော့ အားလုံးအတွက်ကောင်းပါတယ်။ ဒါပေမဲ့ ဒီလိုရှားပါးကျားသစ်တွေကို မုဆိုးတွေ လိုက်လံရှာဖွေပစ်ခတ်ပြီးမှစျေးထဲမှာပြန်သွားရောင်းစားတဲ့ကိစ္စရပ်တွေကြတော့ ဖြစ်နိုင်ရင် မလုပ်တာကောင်းပါတယ်တဲ့” ဟု ကချင်သတင်းရင်းမြစ်က ပြောသည်။

ကျားသစ်ကိုမြန်မာနိုင်ငံတွင်မျိုးသုန်း​ပျောက်ကွယ်လုနီးသည့်ရှားပါးတိရစ္ဆာန်အဖြစ်သတ်မှတ်ထားပြီးရှမ်းပြည်နယ်၊ကချင်ပြည်နယ် ၊တနင်္သာရီတိုင်းကသစ်​တော​တွေမှာ အများဆုံး​တွေ့ရသည်။

ဆက်စပ်သတင်းများ

သတင်း

ရှမ်းပြည်နယ်မြောက်ပိုင်း ကျောက်မဲမြို့နယ် ၊နောင်ပိန်ကျေးရွာဘက်မှာ စစ်တပ်ရဲ့ ထိုးစစ်ဆင်တိုက်ခိုက်မှုကြောင့် တိုက်ပွဲတွေပြင်းထန်နေပြီး နောင်ပိန် နဲ့အနီးတဝိုက်ရွာတွေက ဒေသခံပြည်သူတွေ ထွက်ပြေးတိမ်းရှောင်နေရတယ်လို့ ကူညီကယ်ဆယ်ရေးအဖွဲ့တွေ ထံကနေသိရပါတယ်။

သတင်း

ရှမ်းပြည်နယ်မြောက်ပိုင်း၊ကျောက်မဲမြို့နယ်၊ နောင်ပိန်တိုက်နယ်အတွင်း တိုက်ပွဲဆက်ပြင်းထန်နေပြီး ကျောက်မဲမြို့ကိုတိုက်ခိုက်မည်ဟု စစ်ကောင်စီ၏ ဝါဒဖြန့်သူများက ခြိမ်းခြောက်နေသည်။

သတင်း

ရှမ်းပြည်နယ်မြောက်ပိုင်း၊ ပြည်ထောင်စုလမ်းပိုင်းရှိ လားရှိုး -သိန္နီလမ်းပိုင်း၌ တောင်ကျရေကြောင့် ပျက်စီး၍ ကိုးကန့်တပ်မတော်( MNDAA)က ပြန်လည်တည်ဆောက်ထားသော တံတားကို စစ်တပ်က ပြန်ဆောက်ပေးခြင်းဟု စစ်ကောင်စီဝါဒဖြန့်ချိရေးသမားများက သတင်းအမှား ဖော်ပြနေကြသည်။

သတင်း

ရှမ်းပြည်မြောက်ပိုင်း၏ကြားကာလအမွေအနှစ်ဖြစ်သောဂုတ်ထိပ်တံတားပျက်စီးမှုအတွက်နှမြောဝမ်းနည်းကြောင်းအမျိုးသားညီညွတ်ရေးအစိုးရ၊ အမွေအနှစ်ဆိုင်ရာကြားကာလစီမံအုပ်ချုပ်မှုဗဟိုအဖွဲ့က ထုတ်ပြန်ခဲ့ပြီး ဖျက်ဆီးခဲ့သော အကြမ်းဖက်စစ်တပ်အား ပြင်းထန်စွာ ရှုတ်ချကြောင်း ဖော်ပြသည်။

Facebook