စက်တင်ဘာ-၂၁၊၂၀၂၅။မေရီ/People’s Spring
မန္တလေးမြို့ပေါ်ရပ်ကွက်တွေမှာမီးပြတ်ချိန်ထရန်စဖော်မာကမီးကြိုးတွေဖြတ်အခိုးခံနေရကြောင်း ဒေသခံများကပြောပါတယ်။
ပြီးခဲ့တဲ့စက်တင်ဘာဒုတိယပတ်အတွင်းက မန္တလေးမြို့၊ အောင်မြေသာစံမြို့နယ်၊ ဥပုသ်တော်ရပ်ကွက်၊ ၇၆လမ်းနဲ့ ၉လမ်းထောင့်မှာရှိတဲ့ ထရန်စဖော်မာက မီးကြိုးတွေ ဖြတ်ခိုးခံခဲ့ရတာလို့ ရပ်ကွက်ခံတချို့က ပြောပါတယ်။
“ မနက် ၄ နာရီ မီးပြတ်တဲ့အချိန် ခိုးသွားတာ” လို့ ရပ်ကွက်ခံတဦးက ပြောပါတယ်။
Public Service Announcement
မီးကြိုးဖြတ်ခံရတဲ့ ထရန်စဖော်မာကို မီးကြိုးပြန်တပ်ပြီး အကာအရံများ ပြုလုပ်နေစဥ်။ ဓါတ်ပုံ-ဒေသခံ 
မီးကြိုးဖြတ်ခံရတဲ့ ထရန်စဖော်မာကို မီးကြိုးပြန်တပ်ပြီး အကာအရံများ ပြုလုပ်နေစဥ်။ ဓါတ်ပုံ-ဒေသခံ 
မီးကြိုးဖြတ်ခံရတဲ့ ထရန်စဖော်မာကို မီးကြိုးပြန်တပ်ပြီး အကာအရံများ ပြုလုပ်နေစဥ်။ ဓါတ်ပုံ-ဒေသခံ 
မီးကြိုးဖြတ်ခံရတဲ့ ထရန်စဖော်မာကို မီးကြိုးပြန်တပ်ပြီး အကာအရံများ ပြုလုပ်နေစဥ်။ ဓါတ်ပုံ-ဒေသခံ
မီးကြိုးတွေ ဖြတ်ယူအခိုးခံရလို့ ရပ်ကွက်တခုလုံး ရက်အနည်းငယ်ကြာ လျှပ်စစ်မီးပြတ်တောက်ခဲ့ကြောင်း၊ စစ်ကောင်စီလက်အောက်ခံ EPCက ပြင်ဆင်ပေးတာမျိုးမရှိလို့ ရပ်ကွက်သူရပ်ကွက်သားတွေကိုယ်တိုင်ငွေထည့်ဝင်ပြီးမီးကြိုးများပြန်တပ်ခဲ့ရကြောင်းဒေသခံများကပြောပါတယ်။
အလားတူ ချမ်းအေးသာဇံမြို့နယ်၊လမ်း ၃၀ နဲ့ ၅၈ လမ်းထောင့်က ထရန်စဖော်မာက မီးကြိုးတွေလည်းယခုရက်ပိုင်းအတွင်းကပဲ ခိုးယူခံခဲ့ရတယ်လို့ ဒေသခံတွေဆီက ပြောပါတယ်။
မီးကြိုးအဖြတ်ခံရတာတွေ ဖြစ်ပွားလာလို့ထရန်စဖော်မာတွေကိုအကာအရံတွေစိုက်ကာခြံခတ်လိုက်ရကြောင်း သိရပါတယ်။
စစ်ကောင်စီဟာ မန္တလေး မြို့ပေါ်မှာ ပြည်သူတွေကို စစ်ဆေးဖမ်းဆီး ငွေညှစ်တာတွေ ပြုလုပ်နေပေမဲ့ ခိုဆိုးလုနှိုက်တွေကိုတော့ ဖမ်းဆီးအရေးယူခြင်း မရှိဘူးလို့ မြို့ခံတွေက ပြောပါတယ်။
