စက်တင်ဘာ-၂၄ ၊ ၂၀၂၅။ဇော်ဝင်း/People’s Spring
မကွေးတိုင်း၊ မြိုင်မြို့နယ်တောင်ပိုင်းမှာရှိတဲ့ သရက်ကန်ကျေးရွာက ပြည်သူ့စစ်တွေကို သွားရောက်တိုက်ခိုက်ခဲ့တယ်လို့ TYKပြောက်ကြားတပ်ဖွဲ့- မြိုင် – ပကဖ တပ်ရင်း ၁ – တပ်ခွဲ ၁က ထုတ်ပြန်ပါတယ်။
မြိုင်မြို့နဲ့ (၁၃)မိုင်ခန့်သာကွာဝေးတဲ့ သရက်ကန်ပျူစောထီးရွာကို ဒီကနေ့(စက်တင်ဘာ ၂၄ရက်) မနက် ၆နာရီဝန်းကျင်က တိုက်ခိုက်ခဲ့မှုမှာ ပျူစောထီးတဦး ဖြစ်စဥ်နေရာမှာပဲ သေဆုံးခဲ့တယ်လို့ ဆိုပါတယ်။
“ သရက်ကန် ရွာရဲ့ မီတာ ၁၀၀နဲ့၁၅၀ ကြားလောက်ရှိတဲ့ ဘန်ကာအနီးကို ကပ်ချိန် ပျူစောထီး တဦး ဘန်ကာရဲ့ရှေ့မှာ ကင်းပတ်ဖို့ ထွက်လာချိန် ကျနော်တို့က ရိုင်ဖယ်နဲ့ စပစ်ခဲ့တာ” လို့ TYK ပြောက်ကြားတပ်ဖွဲ့ တာဝန်ရှိသူက ပြောပါတယ်။
Public Service Announcement
ပစ်ခတ်မှုကြောင့် မျိုးနိုင်အေးဆိုသူ ပျူစောထီးကင်းမှူး နေရာတွင် လဲကျသေဆုံးခဲ့ခြင်းဖြစ်ပြီး သရက်ကန်ရွာဘက်မှ ပြည်သူ့စစ်တွေက ၄၀ မမ ၊ လက်နက်ငယ်တွေနဲ့ ပစ်ခတ်ခဲ့တယ်လို့ အသိပေးပါတယ်။
အပြန်အလှန်ပစ်ခတ်မှု ၁၀ မိနစ်ဝန်းကျင်ကြာမြင့်ခဲ့ပြီး ရဲဘော်များ အထိခိုက်မရှိ ဆုတ်ခွာနိုင်ခဲ့တယ်လို့လည်း TYK ပြောက်ကြားတပ်က ဖော်ပြပါတယ်။
တိုက်ခိုက်မှုမှာ မြိုင်း-ပကဖ တပ်ရင်း ၁-တပ်ခွဲ ၄ (စက်ြာ)၊ ပြည်သူ့လွတ်မြောက်ရေးတပ်ပေါင်းစု – PLC ၊ အညာမြေတပ်ပေါင်းစု ၊ Unoin Brothers Ub ၊ Kamma Undergroung Pdf – ကမ္မတပ်ပေါင်းစု ၊ ဒေါင်းညီနောင်တပ်ဖွဲ့ ၊ ဒေါင်းမာန်တပ်ဖွဲ့ နဲ့ နွေဦးညီနောင် တို့ပါဝင်တယ်လို့ သိရပါတယ်။
သရက်ကန်ရွာမှာ စစ်ကောင်စီတပ်သားနဲ့ ပျူစောထီး ၅၀ဝန်းကျင်ရှိနိုင်တယ်လို့ မြိုင်မြို့နယ်စစ်ရေး သတင်းရင်းမြစ်က အသိပေးပါတယ်။
ပြီးခဲ့တဲ့လကလည်း မကွေးတိုင်း၊မြိုင်မြို့ပေါ် က စစ်ကောင်စီကင်းစခန်းတွေကို ဒေသတွင်း တော် လှန်ရေးတပ်တွေ ဝင်ရောက်တိုက်ခိုက်သိမ်းပိုက်နိုင်ခဲ့တာ ရှိပါတယ်။
စစ်ကောင်စီက မြိုင်မြို့ပေါ်မှာ စုရုံးတပ်တည်ထားပြီး မြို့တွင်း စီးပွားရေးဘဏ်၊ ရဲစခန်းနဲ့ စျေးတွေမှာ တပ်စွဲထားတာရှိတယ်လို့ ဒေသတွင်းသတရင်းမြစ်က ဆိုပါတယ်။
မြိုင်မြို့နယ်ရဲ့စစ်ရေးအခြေအနေတွေအရ မြို့နဲ့ (၁)မိုင်ခွဲအကွာဝန်းကျင်အထိ တော်လှန်ရေးအင်အားစုတွေက စိုးမိုးထားနိုင်နေပြီလို့လည်း သိရပါတယ်။
မြိုင်တောင်ပိုင်း သရက်ကန်ရွာက ပြည်သူ့စစ်တွေကို တော်လှန်ရေးတပ်တွေ တိုက်ခိုက် စက်တင်ဘာ-၂၄ ၊ ၂၀၂၅။ဇော်ဝင်း/People's…
Posted by People's Spring on Wednesday 24 September 2025
ရုပ်သံ − TYK ပြောက်ကြားတပ်ဖွဲ့
