ယူကရိန်း-ရုရှားစစ်မြေပြင်မှာ စစ်ပွဲပုံစံကို ပြောင်းလဲစေခဲ့တဲ့ FPV အသေခံဒရုန်းနည်းပညာဟာ အခုတော့ မြန်မာ့စစ်မြေပြင်ထဲကို ရောက်ရှိလာနေပါပြီ။ တန်ဖိုးကြီး ရဟတ်ယာဉ်၊ စစ်ယာဉ်နဲ့ စစ်ရေးပစ်မှတ်တွေကို ကုန်ကျစရိတ်နည်းတဲ့ ဒရုန်းတွေနဲ့ တိုက်ခိုက်နိုင်လာမှုက ခေတ်သစ်စစ်ပွဲရဲ့ အပြောင်းအလဲတစ်ခု ဖြစ်လာပါတယ်။
မကွေးတိုင်း၊ မြိုင်မြို့နယ်မှာ ရုရှားထုတ် Mi-17 စစ်ရဟတ်ယာဉ် တိုက်ခိုက်ခံရမှုအပါအဝင် မြန်မာနိုင်ငံက စစ်မြေပြင်ဖြစ်စဉ်တွေမှာ FPV ဒရုန်းတွေဟာ အင်အားမမျှတဲ့ တိုက်ပွဲတွေမှာ အရေးပါတဲ့ နည်းပညာလက်နက်တစ်ခု ဖြစ်လာနေပါတယ်။ ယူကရိန်းကနေ စတင်ထင်ရှားလာတဲ့ ဒီနည်းပညာကို မြန်မာနိုင်ငံက လူငယ်ဒရုန်းပညာရှင်တွေ၊ တော်လှန်ရေးအဖွဲ့တွေ ဘယ်လို လေ့လာအသုံးချလာကြသလဲ။
ဒါပေမယ့် ဒရုန်းနည်းပညာဟာ တစ်ဖက်တည်းရဲ့ လက်နက်မဟုတ်တော့ဘဲ စစ်မြေပြင်မှာ အပြိုင်အဆိုင် ဖွံ့ဖြိုးလာနေပါတယ်။ အာဏာသိမ်းတပ်ဘက်ကလည်း ဒရုန်းနဲ့ တန်ပြန်တိုက်ခိုက်ရေး နည်းလမ်းတွေကို ရယူလာနေချိန်မှာ FPV ဒရုန်းတွေက မြန်မာ့စစ်ပွဲရဲ့ အနာဂတ်ကို ဘယ်လောက်အထိ ပြောင်းလဲနိုင်မလဲဆိုတာ စောင့်ကြည့်ရမှာ ဖြစ်ပါတယ်။
ဆောင်းပါး – သုတဇော်
တည်းဖြတ်၊ တင်ဆက် – မြတ်ကြီး
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။
