“SOCAR Ukraine”: “Neft bazasındakı çənlərə ziyan dəyməyib, yanğın söndürülüb”
“SOCAR Ukraine” şirkətinə məxsus neft bazasındakı çənlərə ziyan dəyməyib, Odessa vilayətindəki “Svitanok Oil Treyd” neft bazasında yanğın söndürülüb.
Bu barədə “SOCAR Energy Ukraine” şirkətinin mətbuat xidmətindən məlumat veriblər.
“Neft bazasında OKKO şirkətinə məxsus yanacaqdaşıyan maşın partlayıb. Hadisə yerinə dərhal yanğınsöndürənlər gəlib, yanğının qarşısı alınıb. Xəsarət alanlara yardım göstərilib. Hadisənin başvermə şəraiti və səbəbləri araşdırılır”, – mətbuat xidmətindən bildiriblər.
Fövqəladə Hallar Nazirliyinin məlumatına görə, yanğın təxminən yarım saat ərzində tamamilə söndürülüb. Təqribən 100 kvadratmetrlik sahə yanıb. İki nəfər – yanacaqdaşıyan maşının sürücüsü və neft bazasının işçisi xəsarət alıb.
Yanğının söndürülməsi üçün 15 ədəd texnika və 60 yanğınsöndürən cəlb edilib.
Saat 14:42 olan
Ukraynanın Odessa vilayətində yerləşən “Svitanok” neft bazasında güclü yanğın baş verib.
Adıçəkilən bazada SOCAR və digər şirkətlərin neft məhsulları saxlanılır.
Hazırda neft bazasının personalı təxliyə olunur.
Fövqəladə Hallar Komissiyasının yerli bölməsi yanğının baş verdiyini təsdiqləyib. Qurumdan verilən məlumata görə, hadisə yerinə yanğınsöndürmə briqadaları cəlb olunub.
“Dumskaya” portalı isə yazır ki, neft bazasının ərazisində yanacaq daşıyan avtomobil partlayıb. Partlayış nəticəsində bir neçə nəfərin yaralandığı deyilir.
SOCAR-ın Ukraynadakı törəmə müəssisəsinin mətbuat xidmətinin açıqlamasında isə deyilir ki, yanğın OKKO şirkətinə məxsus olan yanacaq daşıyan avtomobilin partlaması nəticəsində meydana gəlib: “Neft bazasının rezervuarları və çənləri xəsarət almayıb. Yaralılara ilkin tibbi yardım göstərilib”.
Oxunub: 50
