Oktyabrın 29-da avtomobil vurması nəticəsində ağır xəsarət alan hüquq müdafiəçisi Oqtay Gülalıyevin vəziyyətində hələlik irəliləyiş yoxdur. O, hələ də ikinci dərəcəli koma vəziyyətindədir.
“Vəziyyəti ağır olaraq qalır. İndiki durumunu həkimlər ikinci – nisbətən ağır dərəcəli koma vəziyyəti kimi dəyərləndirirlər. Beynində ödəm çoxdur. Həkimlər deyir ki, 7-ci, 9-cu və 14-cü günləri kritik günlərdir. Həkim heyəti də əlindən gələni əsirgəmir”, – deyə hüquq müdafiəçisinin xanımı Firəngiz Gülalıyeva bildirib.