Sizcə, ölkədə xalqın ən çox narazı olduğu qurum hansıdır? Sosial şəbəkələrə nəzər salsanız, müxtəlif təbəqədən olan insanların gündəlik olaraq kimlərdən şikayətləndiyinə diqqət etsəniz, özünüz biləcəksiniz. O məşhurların çoxunu hamınız tanıyırsınız – Siyavuş Novruzov, Rövnəq Abdullayev, Hadı Rəcəbli, Araz Əlizadə, Aqil Abbas, Arif Rəhimzadə, Hüseynbala Mirələmov, Bahar Muradova, Sədaqət Vəliyeva, Elmira Axundova, Ziyafət Əsgərov, Ağacan Əbiyev, Ziyad Səmədzadə. Siyahını xeyli uzada bilərik, amma hər halda, özünüz bildiniz bu adamlar hansı “ansamblın” üzvləridir. Bəli, bəli, söhbət ölkənin bütün dərdlərinin baiskarı olan bizim “Striptiz” Məclisdən gedir. İnanın k, dünya tarixində belə rüsvayçı, çirkaba batmış, korrupsiyalaşmış, əxlaqi baxımdan aşınmış anti-xalq parlament nə olub, nə də olacaq. Saxta mandatla məclisə girib, peşəsi maaş artımı, gözəl katibə, avtomobil davası döymək olan bu adamlar ölkədəki yoxsulluğun günahını da xalqın boynuna qoyurlar. Biri yoxsulluqdan xilas olmağın yolunu soğan əkməkdə, biri bənnalıq etməkdə, biri az yeməkdə, biri ayağını yorğanına görə uzatmaqda görür. Bu sözləri aylıq məvacibləri təxminən 3-4 min manat arasında dəyişən , 90%-i qeyri-qanuni bizneslə məşğul olan, xalqdan böyük milyonlar oğurlayan, çirkli işlərin içində yer alan adamlar deyirlər. Xalq belə bir parlamentə nifrət etməsin də, neyləsin.
Sosial şəbəkədə fəalların parlament haqqında yazdıqlarını oxuyun və özünüz nəticə çıxarın. “Cənab Prezidentin yerinə olsaydım, bu Parlamenti “Ctrl+A” eləyib “Delete” düyməsin basardım”(Ələsgər Süleymanov).
“Ya bunları aç, burax o MM- dən. Ya da məni təyin elə ora, bunlara yun diddirib yorğan sırıdım, boşboğazlıqlara vaxtları qalmasın.”(Sima Hüeynzadə).
“Bura parlament deyil, tarlamentdir. Milli Məclisin bugünkü iclasında tarixdən xəbəri olmayan sədr Oktay Əsədova mikrofonu bağlatdırıb yadına salırlar ki, bu gün parlamentin 100 illiyidir, danış heç olmasa”(Hamam Times).
“Parlament deyil e, potensial alsheymer xəstələrinin reabilitasiya mərkəzidir”(Arifə Cabbarova).
“Mən həyata təzə başlamışdım, Arif Rəhimzadə parlamentdəydi.
Men həyatin sonuna çatıram, o, hələ de orda olacaq. 50 ildi zəbt elədiyi kresloda daha 5 il deputat qaraltısı vermək üçün. Parlament deyil e, mavzoleydi, mavzoley”( Alya Yaqublu).
“Parlament deyil e, vor-zakon yığınıdır.”(Ali Akbərov)
Görəsən, bütün bunları yuxarıda oturanlar, elə İlham Əliyevin özü oxumurmu? Xalqın bu rüsvayçı parlament haqqında nələr düşündüklərini bilmirmi?
Oxumursa, çox pis, oxuyub nəticə çıxarmırsa, ondan da pis. Bu ölkə belə adamlarla nə qədər bataqlıqda çapalayacaq, görəsən?
Yazını sosial şəbəkə fəallarından biri, jurnalist Şəmşad Ağanın bu fikri ilə tamamlayırıq: “Bugünkü idarəetməyə parlament lazım deyil, hakimiyyətin ən yarıtmaz qoludur və heç bir funksiya daşımır. Bir düymə basmaqdan ötrü bu qədər xərc çəkməyə nə ehtiyac var axı?.
Buraxılsa, büdcəyə də faydası olar, əsəblərimizə də. İkincisi də, onların 3 ay müzakirə edib ortaya çıxara bilmədiyi işləri, yeri gəlmişkən, cənab prezident bir sərəncamla həll edir. Ona görə də parlamenti buraxmaq, prezidentin köməkçilərinin sayını bir az da artırmaq lazımdır. Uzatmaq lazım deyil e. Qısa kəsmək lazımdır.