မိုးဗြဲနှင့် ဒီးမော့ဆိုမြို့နယ်တို့တွင်တိုက်ပွဲဖြစ်ပွားရာ စစ်ကောင်စီတပ်သားရှစ်ဦးသေဆုံးကြောင်း ကရင်နီတပ်ဖွဲ့များက ထုတ်ပြန်သည်။
တိုက်ပွဲဖြစ်စဥ်များအရ ယနေ့(မေလ ၉ရက်)နံနက်ပိုင်းတွင် မိုးဗြဲမြို့အထွက်တစ်နေရာ၌ စခန်းချနေသော စစ်အုပ်စုကို ကရင်နီအမျိုးသားများကာကွယ်ရေးတပ်(KNDF)တပ်ရင်း – ၃ က အလစ်ဝင်တိုက်ခဲ့သည်ဟု ဆိုသည်။
တိုက်ပွဲတွင် ပြည်သူများ၏ထောက်ပံ့ကူညီမှုကြောင့် ဝယ်ယူရရှိခဲ့သော စနိုက်ပါဖြင့် စစ်ဆင်ရေး ဆောင်ရွက်ခဲ့ရာ အကြမ်းဖက်စစ်သား သုံးဦးသေဆုံးကြောင်း အသိပေးသည်။
ပစ်ခတ်မှုမှာ မိနစ်၂၀ခန့်သာကြာမြင့်ခဲ့ပြီး KNDF က အထိခိုက်မရှိဆုတ်ခွာနိုင်ခဲ့သည်ဟုထုတ်ပြန်ချက်၌ ဖော်ပြသည်။
“ဖရူဆို ဘက်မှာလည်း ဒီနေ့တိုက်ပွဲ ဖြစ်နေတယ်။နှစ်ဖက်အကျအဆုံးရှိတယ်”ဟု KNDF တပ်ဖွဲ့ဝင်တစ်ဦးက People’s Springသို့ ပြောသည်။
အလားတူ မေလ၈ရက် တွင် ဒီမော့ဆို့မြို့နယ်အတွင်း အကြမ်းဖက်စစ်ကောင်စီတပ်ဖြင့် ည အချိန် ထိတွေ့မှု လေးကြိမ် ဖြစ်ပွားခဲ့ပြီး အကြမ်းဖက်စစ်ကောင်စီတပ်မှ ငါးသေဆုံး၍ အများအပြား အပြင်းအထန်ဒဏ်ရာရရှိနိုင်ကြောင်း ကရင်နီတော်လှန်ရေးတပ်ပေါင်းစု(KRU)က ဆိုသည်။
တိုက်ပွဲထိတွေမှုများပြားနေပါသဖြင့် ခဲယမ်းအးများအရေးပေါ်လိုအပ်နေသောကြောင့် ပြည် တွင်း၊ပြည်ပမှ အလှူရှင်များအား KRUက အကူအညီတောင်းခံသည်။
