ယောဒေသကာကွယ်ရေးတပ်ဖွဲ့ (YDF)၏ တော်လှန်ရေးတစ်နှစ်ပြည့် အခမ်းအနားကို ယမန်နေ့(မေလ ၁၉ ရက်)က ပြုလုပ်ခဲ့သည်။
အဆိုပါအခမ်းအနားသို့ CDF မင်းတပ်မှ ကိုယ်စားလှယ် ခုနစ်ဦးတတ်ရောက်ခဲ့ကြောင်းလည်း ယင်းအဖွဲ့မှတာဝန်ရှိသူများက ဆိုသည်။
![](https://i0.wp.com/www.ludunwayoo.com/wp-content/uploads/2022/05/280652620_385131403676318_4586907819841689710_n.png?resize=880%2C457&ssl=1)
“YDF ဆိုတာ မကွေးတိုင်းထဲက ယောသားတွေနေတဲ့ ဂန့်ဂေါ၊ကျော၊ထီးလင်း၊ဆောနဲကျောက်ထုဆိုတဲ့ ယောငါးမြို့ကိုစုပေါင်းပီး Yaw Defence Force ဖြစ်လာတာပါ။CDFs တွေနဲ့ မဟာမိတ်ဖြစ်ပြီး စစ်အာဏာသိမ်းမှုကို ကလေး၊မင်းတပ်၊ဒီမော့ဆိုးတို့နဲ့အတူအစဦးဆုံး တူမီးနဲ့ စတော်လှန်ခဲ့ကြတဲ့သူတွေဖြစ်တယ် “ဟု CDF မင်းတပ် တာဝန်ရှိသူတစ်ဦးက ၎င်း၏ လူမှုကွန်ရက်မှတစ်ဆင့် အသိပေးသည်။
![](https://i0.wp.com/www.ludunwayoo.com/wp-content/uploads/2022/05/282058430_385131503676308_9199446878975268789_n.jpg?resize=880%2C587&ssl=1)
ထို့အပြင် လက်နက်အင်အားမှာလည်း ယခင်နှစ် စက်တင်ဘာအထိ မောင်းပြန်တစ်လက်မှ မရှိခဲ့ပဲ ပြည်တွင်း၊ပြည်ပ ယောသူ၊ယောသားများ၏ ကြိုးစားအားထုတ်မှုကြောင့် မောင်းပြန်သေနတ်ထောင်ဂဏန်းနီးပါးအပြင် RPG7 ၊PKM စက်သေနတ်များ၊တိုက်ခိုက်ရေးDrone များနှင့် ကိုယ်ပိုင်လက်နက်ထုတ်လုပ်ရေးများပါ ပိုင်ဆိုင်လာသည်အထိ အားကောင်းလာကြောင်း ၎င်းက ဆိုသည်။
![](https://i0.wp.com/www.ludunwayoo.com/wp-content/uploads/2022/05/282551578_385131637009628_6214510982645065121_n.png?resize=720%2C480&ssl=1)
အလားတူ YDF နှင့်CDF မင်းတပ်သည် ညီနောင်မဟာမိတ်များဖြစ်သည်နှင့်အညီ ပူးပေါင်းစစ်ဆင်ရေးများစွာကိုလည်း လက်တွဲ အကောင်ထည်ဖော်ဆောင်ခဲ့ကြောင်း ဖော်ပြသည်။
CDF မင်းတပ်ကလည်း ” YDF ၏ မဟာမိတ်ကောင်း ပီသမှု ၊ သတ္တိရှိမှုများနှင့် စစ်မှန်သော ဖက်ဒရယ်ဒီမိုကရေစီရရှိသည့်တိုင် အတူတကွဆက်လက်ပူးပေါင်း တိုက်ပွဲ၀င်သွားမည်ဖြစ်ကြောင်း ” သ၀ဏ်လွှာကို ပေးပို့ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)