စစ်တပ် အာဏာသိမ်းပြီးနောက် မြန်မာနိုင်ငံမှာ ဒုက္ခသည်ဦးရေ ၁ဒဿမ ၂ သန်းကျော်ရှိလာပြီး ပြည်တွင်းမှာနေရပ်စွန့်ခွာတိမ်းရှောင်ရသူဟာ ၈ သိန်းကျော်ရှိလာပြီလို့ ဒီနေ့မှာကျရောက်တဲ့ ကမ္ဘာ့ဒုက္ခသည်များနေ့မှာ လူ့အခွင့်မှတ်တမ်းကွန်ရက်( မြန်မာနိုင်ငံ) ND – Buram က ထုတ်ပြန်အသိပေးလိုက်ပါတယ်။
စစ်ကောင်စီတပ်တွေဟာ ပြည်သူတွေအပေါ် ထိုးစစ်ဆင်တိုက်ခိုက်တာကြောင့် ဒုက္ခသည်အကြပ်အတည်းကိုဖြစ်ပေါ်စေပြီး ထောင်နဲ့ချီတဲ့ပြည်သူတွေဟာ အိုးအိမ်နဲ့ အသက်မွေးဝမ်းကြောင်း လုပ်ငန်းတွေကို စွန့်ပြီး ထွက်ပြေးတိမ်းရှောင်ရတယ်လို့ ဆိုထားပါတယ်။
ဒီလို နေရပ်စွန့်ခွာတိမ်းရှောင်ရသူတွေကို လူသားချင်းစာနာထောက်ထားမှုအကူအညီနဲ့ အကာအကွယ်ပေးတာတွေကို စစ်အာဏာရှင်က ငြင်းဆိုနေတယ်လို့လည်း ND – Burma က ပြောထားပါတယ်။
အိမ်နီးချင်းနိုင်ငံတွေအနေနဲ့လည်းနေ့စဉ်နေ့တိုင်းထွက်ပြေးလာရသူတွေကို အကာအကွယ်ပေးရေး လမ်းကြောင်းတွေ ထားရှိဖို့ ၊ ဒုက္ခသည်တွေကို ရဲ့ ဂုဏ်သိက္ခာကိုမြှင့်တင်ဖို့ ၊ ဒုက္ခသည်ဆိုင်ရာ သဘောတူညီချက်တွေနဲ့ ပဋိညာဉ်တွေကို လိုက်နာဖို့ တိုက်တွန်းထားပါသေးတယ်။
ခိုလှုံခွင့်တောင်းခံတာဟာ ရာဇဝတ်မှုမဟုတ်ကြောင်းကိုလည်းအသိပေးထားပါတယ်။
စစ်ကောင်စီတပ်တွေရဲ့အကြမ်းဖက်မှုတွေ ၊နေအိမ်တွေကိုမီးရှို့ဖျက်ဆီးတာတွေကြောင့် တောတောင်တွေထဲ တိမ်းရှောင်ရတဲ့ဒေသခံပြည်သူတွေဟာ စားဝတ်နေရေးအခက်အခဲတွေအပြင် ကျန်းမာရေးထိခိုက်မှုတွေနဲ့ပကြုံတွ့နေကြရပါတယ်။
