နိုင်ငံတစ်ဝှမ်း ကြားကာလပညာရေးအတွက် အသစ်ထပ်မံဖွင့်လှစ်မည့် ဖက်ဒရယ်ကျောင်းအရေအတွက် တိုးလာနေကြောင်း CDM ပညာရေးအသိုင်းအဝိုင်းထံမှ သတင်းရရှိသည်။
အဆိုပါကျောင်းများတွင် Bago Federal School ၊ Spring Education Taunggyi – SET ၊
Unity Federal School ၊ Magway Federal School ၊ Kyaukpadaung Federal School ၊ Nway Oo Federal School ၊ Yaung Ni Federal School ၊ Light Of Love Federal School စသည့်ကျောင်းများ ပါဝင်သည်။
![နိုင်ငံတစ်ဝှမ်းထပ်မံဖွင့်လှစ်မည့်ဖက်ဒရယ်ကျောင်းများတိုးလာ](https://i0.wp.com/www.ludunwayoo.com/wp-content/uploads/2022/06/289358481_409548724567919_324467660359297179_n.jpg?resize=720%2C720&ssl=1)
![နိုင်ငံတစ်ဝှမ်းထပ်မံဖွင့်လှစ်မည့်ဖက်ဒရယ်ကျောင်းများတိုးလာ](https://i0.wp.com/www.ludunwayoo.com/wp-content/uploads/2022/06/290231503_409549137901211_4141946684513855380_n.jpg?resize=880%2C882&ssl=1)
![နိုင်ငံတစ်ဝှမ်းထပ်မံဖွင့်လှစ်မည့်ဖက်ဒရယ်ကျောင်းများတိုးလာ](https://i0.wp.com/www.ludunwayoo.com/wp-content/uploads/2022/06/289078027_409548811234577_3198382012534041573_n.jpg?resize=720%2C720&ssl=1)
![နိုင်ငံတစ်ဝှမ်းထပ်မံဖွင့်လှစ်မည့်ဖက်ဒရယ်ကျောင်းများတိုးလာ](https://i0.wp.com/www.ludunwayoo.com/wp-content/uploads/2022/06/290169163_409549154567876_1842760598063309810_n.jpg?resize=880%2C880&ssl=1)
ယင်းကျောင်းများအနက် Magway Federal School မှာ ယနေ့(ဇွန် ၂၅)စတင်ဖွင့်လှစ်ပြီး Spring Education Taunggyi – SET သည် ဇူလိုင် ၄ ရက်တွင်ဖွင့်လှစ်သွားမည်ဟု အသိ ပေးထားကာ Bago Federal School နှင့်အခြားကျောင်းများမှာ ရက်မသတ်မှတ်ရသေးသော် လည်း လာမည့်ဇူလိုင်လအတွင်း ဖွင့်လှစ်နိုင်ရန် ပြင်ဆင်နေသည်ဟု ကျောင်းတာဝန်ရှိသူများက ဆိုသည်။
“June လ မကုန်ခင် (ကျောင်းသား)ခေါ်ယူသွားမှာပါခင်ဗျ။ နောက်လ(ဇူလိုင်)ထဲကို ကျောင်းစတင် ဖွင့်လှစ်မှာပါ”ဟု Bago Federal School – BFS မှ တာဝန်ရှိသူတစ်ဦးက ပြောသည်။
![နိုင်ငံတစ်ဝှမ်းထပ်မံဖွင့်လှစ်မည့်ဖက်ဒရယ်ကျောင်းများတိုးလာ](https://i0.wp.com/www.ludunwayoo.com/wp-content/uploads/2022/06/290056109_409549127901212_7085069608923541123_n.jpg?resize=461%2C1024&ssl=1)
BFS အနေဖြင့် လက်ရှိဆရာ၊ ဆရာမဦးရေအရ KG တန်းမှစ၍ အထက်တန်းအထိ အတန်းတစ်တန်းလျှင် ကျောင်းသားဦးရေ၁၀၀စီလက်ခံပေးသွားမည်ဟု၎င်းကဆက်ပြောသည်။
Spring Education Taunggyi – SETကျောင်းအနေဖြင့် ဇွန် ၂၇ ရက်မှစ၍ အလယ်တန်းအဆင့်များကို ကျောင်းအပ်လက်ခံမည်ဖြစ်ပြီး ဇူ လိုင် ၄ ရက်တွင် ကျောင်းစတင်ဖွင့်လှစ်သွားမည်ဟု အသိပေးကြေညာထားသည်။
အလားတူ Unity Federal School မှလည်း အထက်တန်း Grade-10 နှင့် Grade-11 ကျောင်း သူ/သားများကို ထပ်တိုး ခေါ်ယူမည်ဖြစ်ကာ လျှောက်ထားသူများတွင်အခြားကျောင်းများနှင့် ကျောင်းပြိုင်လျှောက်သူများ၏ လျှောက်လွှာများကို ပယ်သွားမည်ဟု အသိပေးသည်။
![နိုင်ငံတစ်ဝှမ်းထပ်မံဖွင့်လှစ်မည့်ဖက်ဒရယ်ကျောင်းများတိုးလာ](https://i0.wp.com/www.ludunwayoo.com/wp-content/uploads/2022/06/290138783_409549187901206_977242875744554181_n.jpg?resize=880%2C880&ssl=1)
နိုင်ငံတစ်ဝှမ်း စစ်ကောင်စီမှဖွင့်လှစ်သည့် ကျောင်းများကိုသပိတ်မှောက်ပြီး CDM ပြုလုပ်ထားသော ကျောင်းသားများ၏ ပညာရေးလို အပ်ချက်အားဖြည့်ဆည်းရန် NUG အစိုးရ၊ ပညာရေးဝန်ကြီးဌာန၏ လမ်းညွှန်ချက်ဖြင့် Federal School များဖွင့်လှစ်လျှက်ရှိရာ ရန်ကုန်၊ မန္တလေးနှင့် ဧရာဝတီတိုင်းတို့မှာ Federal ကျောင်းများကို ဇွန်လဆန်းမှစတင်ပြီး အစောဆုံးဖွင့်လှစ်ခဲ့သည်။
အဆိုပါကျောင်းအချို့၏ဖေစ်ဘွခ်စာမျက်နှာများကိုဖော်ပြလိုက်ပါသည်။
https://www.facebook.com/bagoregionfs/
https://www.facebook.com/Yaung-Ni-Federal-School-108017318609176/
https://www.facebook.com/nwayoofederalschool/
![](https://i1.wp.com/ludunwayoo.com/wp-content/uploads/2021/08/banner-logo1-50px.png)