မန္တလေး ၈၄လမ်းLotteria ကြက်ကြော်ဆိုင်ရှေ့ပစ်ခတ်မှုဖြစ်စဉ်မှာ သေဆုံးသူအမျိုးသားဟာ ရတနာပုံ တော်လှန်ရေးအဖွဲ့ခေါင်းဆောင်ဖြစ်တယ်လို့ အဲဒီအဖွဲ့ရဲ့ထုတ်ပြန်ချက်အရသိရပါတယ်။
ပစ်ခတ်မှုဖြစ်စဉ်ဟာ ဇွန်လ ၂၅ ရက်က ဖြစ်ခဲ့တာပါ။ ဆိုင်ကယ်စီးလာတဲ့အမျိုးသားကို အရပ်ဝတ်စစ်ကောင်စီတပ်ဖွဲ့ဝင်တွေက လိုက်လံဖမ်းဆီးတာလို့ သိရပြီးကြက်ကြော်ဆိုင်ရှေ့အရောက်မှာ ပစ်ခတ်မှုဖြစ်ခဲ့တာပါ။
![မန္တလေး ၈၄ လမ်းပစ်ခတ်မှုမှာ သေဆုံးသွားသူဟာ ရတနာပုံတော်လှန်ရေးအဖွဲ့ခေါင်းဆောင်ဖြစ်နေ](https://i0.wp.com/www.ludunwayoo.com/wp-content/uploads/2022/06/290613336_410984507757674_4919361589008586189_n.jpg?resize=720%2C960&ssl=1)
အဲဒီပစ်ခတ်မှုဖြစ်စဉ်မှာ ဆိုင်ကယ်စီးအမျိုးသား သေဆုံးခဲ့သလို စစ်ကောင်စီတပ်ဖွဲ့ဝင် ၁ဦးလည်းထိခိုက်ဒဏ်ရာရခဲ့ပါတယ်။
သေဆုံးသွားသူအမျိုးသားဟာ ရတနာပုံတော်လှန်ရေးတပ်ဖွဲ့မှူး ဆရာစွမ်းထက်အောင် ခေါ် ထက်ရှိုင်းဇော်ဖြစ်တယ်လို့သိရပါတယ်။
![မန္တလေး ၈၄ လမ်းပစ်ခတ်မှုမှာ သေဆုံးသွားသူဟာ ရတနာပုံတော်လှန်ရေးအဖွဲ့ခေါင်းဆောင်ဖြစ်နေ](https://i0.wp.com/www.ludunwayoo.com/wp-content/uploads/2022/06/290663802_410984551091003_5320517720430121720_n.jpg?resize=880%2C660&ssl=1)
ရတနာပုံတော်လှန်ရေးအဖွဲ့က ကျဆုံးသွားသူအတွက် သေနတ်ပစ်ဖောက်အလေးပြုတာနဲ့အမိန့်ပြန်တမ်း ထုတ်တာတွေကို ဆောင်ရွက်ခဲ့တယ်လို့အဖွဲ့ရဲ့ ဖေ့ဘွတ်ခ်ကနေမနေ့က ထုတ်ပြန်အသိပေးထားပါတယ်။
စစ်ကောင်စီဘက်ကတော့ ၈၄ လမ်းပစ်ခတ်မှုဖြစ်စဉ်ဟာ ဘဏ်ဓားပြတိုက်သူတွေကိုလိုက်လံဖမ်းဆီးတာဖြစ်တယ်လို့သတင်းထုတ်ထားပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)