ရှမ်း-ကရင်နီ(ကယား)ပြည်နယ်အစပ် ဖယ်ခုံမြို့နယ်၊ လွယ်မကူးရွာတောင် နှင့်လွယ်ဟယ်ရွာတို့တွင်တပ်စွဲထားသောစစ်ကောင်စီတပ်ကို ဝင်တိုက်ရာ စစ်ကောင်စီတပ်သား ခုနှစ်ဦးသေဆုံးကြောင်း အလယ်ပိုင်းတိုင်းအထူးစစ်ဆင်းရေးအဖွဲ့က ထုတ်ပြန်သည်။
ယနေ့(ဇူလိုင် ၁ ရက်)နံနက်ပိုင်းက လွယ်မကူးရွာတောင် နှင့်လွယ်ဟယ်ရွာတို့တွင်တပ်စွဲထားသော စစ်ကောင်စီစခန်းကို အလယ်ပိုင်းတိုင်းအထူးစစ်ဆင်းရေး၏ Sniper အဖွဲ့နှင့် Fighter အဖွဲ့တို့မှ ပူးပေါင်းတိုက်ခိုက်ခဲ့သည်ဟု ဆိုသည်။
![အလယ်ပိုင်းတိုင်းအထူးစစ်ဆင်းရေးအဖွဲ့](https://i0.wp.com/www.ludunwayoo.com/wp-content/uploads/2022/07/291720908_414063234116468_3454170663103531991_n.jpg?resize=654%2C1024&ssl=1)
ဇွန်လ၂၉ ရက်ကလည်း လွယ်ဟယ်ရွာတွင် တပ်စွဲထားသောရန်သူအား အထူးစစ်ဆင်းရေး Sniperအဖွဲ့နှင့် Fighterအဖွဲ့တို့မှ ပူးပေါင်းတိုက်ခိုက်ခဲ့ရာ စစ်ကောင်စီတပ်သားငါးဦးသေဆုံးကြောင်း အသိပေးထားသည်။
အလားတူ ဇွန် ၂၃ ရက်က လွယ်မကူးတောင် ကုန်းပေါ်တွင်တပ်စွဲထားသော စစ်ကောင်စီတပ်ကို အထူးစစ်ဆင် ရေးအဖွဲ့က စနိုက်ဘာဖြင့် သွားရောက်ပစ်ခတ်ခဲ့ပြီး သေဆုံးသူ နှစ်ဦးရှိခဲ့သည်ဟု ထုတ်ပြန်ချက်၌ ဖော်ပြ သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)