▪️ဘုရားကျောင်း သုံးကျောင်းလည်း မီးလောင်ပြာကျခဲ့ရ
ချင်းပြည်နယ် ထန်တလန်မြို့ပေါ်ရှိ နေအိမ်များကို စစ်ကောင်စီတပ်က ထပ်မံမီးရှို့ခဲ့ရာ အိမ်ခြေ ၁၁၇လုံး မီးလောင်ပြာကျခဲ့ရကြောင်း ထန်တလန်စစ်ရှောင်ကော် မတီ Thantlang Placement Affairs Committee -IDPs help( TPAC)က ထုတ်ပြန်သည်။
အာဏာသိမ်းစစ်ကောင်စီတပ်သားများက ထန်တလန်မြို့ပေါ်ရှိ အိမ်ခြေများကို ဇွန်လ ၉ရက်၊ ၁၁ရက်၊ ၁၆ရက်၊ ၂၀ရက်နှင့် ၂၃ရက်များတွင် ထပ်မံမီးရှို့ခဲ့ခြင်း ဖြစ်သည်ဟု ဖော်ပြထားသည်။
![ဓာတ်ပုံ - PTAC](https://i0.wp.com/www.ludunwayoo.com/wp-content/uploads/2022/07/290977525_414071307448994_9086352798967124512_n.jpg?resize=880%2C660&ssl=1)
ထိုသို့ မီးရှို့ဖျက်ဆီးခြင်းကြောင့် ထန်တလန်မြို့ပေါ်ရှိ ရှေးကျဆုံးဘုရားကျောင်းဖြစ်သည့် Thantlang Baptist Church အပါအဝင် ဘုရားကျောင်းသုံးကျောင်းလည်း ပြာကျသွားခဲ့ရကြောင်း အသိပေးသည်။
ယခုဇွန်လအတွင်း မီးရှို့ခဲ့မှုများအပါအဝင် စစ်ကောင်စီတပ်သားများက ထန်တလန်မြို့ပေါ် အိမ်ခြေမီးရှိူ့မှု အကြိမ်ပေါင်း ၃၅ကြိမ်ရှိပြီဖြစ်ကြောင်း ထုတ်ပြန်သည်။
![ဓာတ်ပုံ - PTAC](https://i0.wp.com/www.ludunwayoo.com/wp-content/uploads/2022/07/291634417_414071327448992_702650584990956427_n.jpg?resize=880%2C660&ssl=1)
စစ်ကောင်စီတပ်သည် ထန်တလန်မြို့ပေါ်နေအိမ်များကို ၂၀၂၁ နှစ်ကုန်ပိုင်းမှစ၍ မီးရှို့ဖျက်ဆီးမှုများ၊ လူထုများအား ပစ်ခတ်တိုက်ခိုက်မှုများ လုပ်ဆောင်ခဲ့၍ ထန်တလန် တစ်မြို့လုံးထွက်ပြေးတိမ်းရှောင်ခဲ့ရသည်။ စစ်ကောင်စီတပ်၏ အကြိမ်ကြိမ် မီးရှို့ဖျက်ဆီးမှုကြောင့် ထန်တလန်မြို့ပေါ်ရှိ နေအိမ်တစ်ထောင်ကျော် မီးလောင်ပျက်ဆီးဆုံးရှုံးခဲ့ရသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)