စစ်ကိုင်းတိုင်း ကနီမြို့နယ်တွင် အမျိုးသားညီညွတ်ရေးအစိုးရ (NUG)၏ လမ်းညွှန်ချက်များနှင့်အညီ CDM မီးသတ်ဝန်ထမ်းများ ပူးပေါင်း၍ အခြေခံမီးသတ်သင်တန်းများ ပေးနေကြောင်း သိရသည်။
အခြေခံမီးသတ်သင်တန်း အပတ်စဉ် (၁)ကို ယခုနှစ် ဧပြီက ဖွင့်လှစ်ခဲ့၍ ယင်းသင်တန်းကို (၁၅)ရက်ကြာ သင်တန်းပေးခဲ့ပြီး ကနီမြို့နယ်အတွင်း ကျေးရွာပေါင်း (၂၇) ရွာမှ ဒေသခံ တော်လှန်ပြည်သူ ၄၀ဦး တက်ရောက်ခဲ့သည်။
![ဓာတ်ပုံ - ကနီမြို့နယ်သတင်း](https://i0.wp.com/www.ludunwayoo.com/wp-content/uploads/2022/07/292160879_416340823888709_4348925325995199153_n.jpg?resize=880%2C495&ssl=1)
![ဓာတ်ပုံ - ကနီမြို့နယ်သတင်း](https://i0.wp.com/www.ludunwayoo.com/wp-content/uploads/2022/07/292262872_416340863888705_130994384780588302_n.jpg?resize=880%2C495&ssl=1)
![ဓာတ်ပုံ - ကနီမြို့နယ်သတင်း](https://i0.wp.com/www.ludunwayoo.com/wp-content/uploads/2022/07/292264481_416340880555370_2010940435968097621_n.jpg?resize=880%2C495&ssl=1)
![ဓာတ်ပုံ - ကနီမြို့နယ်သတင်း](https://i0.wp.com/www.ludunwayoo.com/wp-content/uploads/2022/07/291863934_416340907222034_5441808377915948353_n.jpg?resize=880%2C495&ssl=1)
သင်တန်း၌ အခြေခံမီးငြိမ်းသတ်နည်းများ၊ စက်ကြီး၊စက်ကလေးသင်ခန်းစာများနှင့် မီးသတ်စစ်ရေးပြခြင်းများကို သင်ကြားပြသခဲ့ကြောင်း ၊ ဆက်လက်၍ NUG အစိုးရ၏ ညွှန်ကြားချက်နှင့်အညီ အခြေခံမီးသတ်သင်တန်းပေးသွားမည်ဖြစ်ကြောင်း သိရသည်။
နယ်မြေမငြိမ်သက်မှု စစ်ရေးအခြေအနေအရ အခြေခံ မီးသတ်သင်တန်းအပတ်စဥ် (၂)ဆက်လက်ပေးရန် ကြိုးပမ်းလျက်ရှိကြောင်း ကနီမြို့နယ် CDM မီးသတ်တာဝန်ခံက ဆိုသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)