ချင်းတွင်းမြစ်ကြောအတွင်းရှိ ရွှေလှေ – အမြင့်ရေလက် ကြားအတွင်း ဖြတ်သန်းမောင်းနှင်ခြင်းမပြုရန် ချောင်းဦးမြို့နယ်တော်လှန်ရေးတပ် – Chaung U Revolution Army ထုတ်ပြန်သည်။
“အဲဒီရေလက်ကြားမှာက ကံကြီးကုန်း(ခွေးကုန်း)-ပျူရွာနဲ့ နီးတယ်။အခုက မိုးတွင်းရေတက်ချိန်ဖြစ်တာနဲ့ အဲဒီရွာထဲ ရေဝင်တယ်။ နောက်တစ်ခုက ဒီကောင်တွေက ပြည်သူစက်လှေတွေ သဘော်တွေကို မကြာခဏ ချောဆွဲတာလည်းရှိနေတယ်”ဟု CRA တာဝန်ရှိသူက လူထုနွေဦးသို့ ပြောသည်။
![(ရေလက်ကြားအတွင်းသို့ဝင်လာသော ပြည်သူများ၏ မော်တော်ယာဥ်များအား မြစ်လက်ကြားမှ မလာရန် မေတ္တာရပ်ခံနေစဥ်၊ ဓာတ်ပုံ - Chaung U Revolution Army)](https://i0.wp.com/www.ludunwayoo.com/wp-content/uploads/2022/07/292261875_416748047181320_6082378411742046004_n.jpg?resize=880%2C880&ssl=1)
ထို့အပြင် အကြမ်းဖက်စစ်ကောင်စီတပ်က ချင်းတွင်း မြစ်ကြောင်းအသုံးပြုမှုများလာသည့်အတွက် ရေကြောင်းတိုက်ခိုက်ရေး ပြင်ဆင်နေမှုကြောင့် ပြည်သူ့စက်လှေများ ထိခိုက်မှုမရှိစေရန် ကြိုတင်သတိပေးခြင်းဟု၎င်းက ဆိုသည်။
ထို့ကြောင့် ပြည်သူ့စက်လှေ၊အမြန်ရေယာဥ်များးသည် ယင်းမြစ်လက်ကြားအတွင်း ဖြတ်သန်းမောင်းနှင်ခြင်းမပြုဘဲ ပင်မမြစ်ကြောမှ သွားလာကြရန် မေတ္တာရပ်ခံသည်။
![(ရေလက်ကြားအတွင်းသို့ဝင်လာသော ပြည်သူများ၏ မော်တော်ယာဥ်များအား မြစ်လက်ကြားမှ မလာရန် မေတ္တာရပ်ခံနေစဥ်၊ ဓာတ်ပုံ - Chaung U Revolution Army)](https://i0.wp.com/www.ludunwayoo.com/wp-content/uploads/2022/07/292270878_416748160514642_384859973730272216_n.jpg?resize=880%2C880&ssl=1)
အဆိုပါ မြစ်လက်ကြားတွင် လုံခြုံရေပစ္စည်းများ တပ်ဆင်ထားသောကြောင့် ဆင်ဖြူရှင်တံတား အောက်ဖက်နှင့်အမြင့်အထက်ဖက်တွင်ရှိသော အဖွဲ့အစည်းများ၊ပြည်သူများအနေဖြင့် အစုန်အဆန် မောင်းနှင်လာသောယာဥ်များကို ရွှေလှေ – အမြင့် မြစ်လက်ကြားသို့ မဝင်ရောက်စေရေးတားမြစ်ပေးရန် ချောင်းဦးမြို့နယ်တော်လှန်ရေးတပ်-CRA အဖွဲ့က အသိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)