ချင်းပြည်နယ် မတူပီ – လိုင်လင်းပီလမ်းပိုင်း၌ ယနေ့နံနက်က တိုက်ပွဲဖြစ်ပွားခဲ့ရာ စစ်ကောင်စီတပ် သေဆုံးထိခိုက်ရှိခဲ့ကြောင်း မတူပီ ချင်းကာကွယ်ရေးတပ်(CDF)က ထုတ်ပြန်သည်။
လိုင်လင်းပီမြို့မှ မတူပီသို့ ခြေလျင် စစ်ကြောင်းထိုးလာသည့် စစ်ကောင်စီတပ်ကို ရဲန်ခဲန်းရွာနှင့် အမ်မိလိုင်းရွာကြား၌ မတူပီ CDFက ယနေ့ ၉ဇူလိုင် ၆ရက်)နံနက် ၉နာရီ၌ တိုက်ခိုက်ခဲ့သည်ဟု ဆိုသည်။
တိုက်ပွဲသည် နာရီဝက်ကျော်ကြာမြင့်ခဲ့ပြီး စစ်ကော်စီတပ်မှ သုံးဦး သေဆုံးကာ နှစ်ဦး ဒဏ်ရာ ပြင်းထန်ခဲ့ကြောင်း၊ တိုက်ပွဲအတွင်း CDF ရဲဘော်များထိခိုက်မှုမရှိဘဲ ဆုတ်ခွာနိုင်ခဲ့ကြောင်း အသိပေးထားသည်။
အကြမ်းဖက်စစ်ကောင်စီတပ်များသည် ရဲန်ခဲန်းရွာသို့ တပ်ဆုတ်ပြီး ပြည်သူလူထု နေအိမ် ၃လုံးကို မီးရှို့ဖျက်ဆီးခဲ့ကြောင်း မတူပီ CDFက ထုတ်ပြန်သည်။
မတူပီ CDF အနေဖြင့် ဇွန်လ ၁၁ရက်ကလည်း မတူပီ -ပလက်၀ လမ်းရှိ စစ်ကောင်စီ၏ ခလရ(၃၀၄)တပ်ရင်းဂိတ်ကို အလစ်ဝင်ရောက်တိုက်ခိုက်ခဲ့သည်။
